Sexta, Dezembro 09, 2022
Total visitors: 692386

Diretur Jerál Pekuária no Verterinária, iha Ministériu Agrikultura no Peska (MAP), Domingos Gusmão informa servisu hamutuk ho Menzies School of Health Research halo peskiza kona-ba rezisténsia antibiótika ba animál tanba tinan barak utiliza antibiótika ba animál.

Diretur Jerál Pekuária no Verterinária, iha Ministériu Agrikultura no Peska (MAP), Domingos Gusmão informa servisu hamutuk ho Menzies School of Health Research halo peskiza kona-ba rezisténsia antibiótika ba animál tanba tinan barak utiliza antibiótika ba animál.

“Ba animál ne’e ami sosa antibiótika no antiparasita. Kona-ba utilizasaun ne’e mak agora ami buka dalan atu kontrola tékniku veterinaria sira utiliza ida ne’e tuir rekomendasaun mediku sira nian atu evita rezisténsia hodi afeta fali ba ema nia saúde,” nia hateten.

Nia rekoñese koñesimentu komunidade nian inklui tékniku veterinária sira-nia kona-ba utilizasaun antibiótika sei menus.

Iha parte seluk, Vise-Dekanu Asuntu Administrasaun no Finansa, iha Universidade Nacional Timor Lorosa’e (UNTL), Médiku Veterinária Rui Daniel de Carvalho hateten rezisténsia antibiótika ba animál sai problema globál ne’ebé nasaun hotu-hotu enfrenta.

Nia konsiente papel universitáriu importante tebes atu hasa’e ema nia koñesimentu no konsiénsia utiliza antibiótika ho responsabilidade tanba ne’e sira halo esforsu atu halo revizaun ba kurríkulu saúde animál nian.

“Iha ita-nian liu-liu parte Lorosa’e ema ladun utiliza antibiótika, maibé parte Loromonu hanesan munsípiu Bobonaro-Maliana, Covalima komunidade sira sosa aimoruk antibiótika iha frontera sona rasik sira-nia animál. Ida ne’e perigu bainhira sira la iha koñesimentu di’ak atu uza antibiótika ne’e tuir dose no tempu bele kauza ba rezisténsia,” nia hateten.

Nia hateten animál ne’ebé iha ona rezisténsia antimikrobiál, bainhira ema konsumu sira-nia aan bele implika ba ema nia saúde. Tanba ne’e, governu presiza reforsa servisu saúde animál nian atu asegura komunidade iha asesu ba produtu animál ne’ebé kualidade no seguru.