Terça, Agosto 03, 2021

Polisia Komandu Munisipiu Dili prende motor no aplika multa ba adeptus futebol tasa Euro 2021 hamutuk nain 194 iha kapital Dili laran.

Polisia Komandu Munisipiu Dili prende motor no aplika multa ba adeptus futebol tasa Euro 2021 hamutuk nain 194 iha kapital Dili laran.

Komandante Polisia Munisipiu Dili, Superientendente Xefe Henrique da Costa, hateten motor sira ne’ebe polisia prende tanba kontra sinais tranzitu hanesan la uza kapasete, laiha karta kondusaun, dokumentu, xapa matrikula no usa kazu resin hodi halo konvoi bainhira joga entre Portugal no ekipa sira seluk iha Euro 2021.

Nia dehan, motor hirak ne’e halo prensaun iha area 10 ne’ebe mak polisia identifikadu ona Timoroan sira sempre halo konvoi hodi suporta jogu Portugal nian iha tempu madrugada nian..

“Husi konvoiu ne’e ita prende motor hamutuk 194 no aplika multa ba adeptus sira tuir lei kondigu estrada nian,” Komandante Munisipiu Dili Costa informa iha Komandu Dili.

Nia dehan, motor ne’ebe prende oras ne’e dadaun asegura hela iha Komandu Polisia Munisipiu Dili no aplika karta infrasaun infrator sira.

“Motor sira ne’e ita sei asegura hela iha ne’e depois, infrator sira selu iha banku mak lori bileti mai foti motor,” nia hateten.

Nia dehan, polisia halo prensaun ne’e hodi prevene kedan tanba bainhira sira gas motor halo baruilu bei-beik bele kria fali krimi.

Alende ne’e nia dehan, durante jogu tasa Europa 2021 Polisia prende motor hamutuk 347 ne’ebe mak kontra sinais tranzitu hodi halo konvoiu iha kapital Dili no halo ema seluk la deskansa la diak.

Entretantu, motorista Mario Mendonsa hateten, maske nia motor polisia prende no haruka selu multa maibe nia nafatin kontente tanba Portugal la lakon, tanba ne’e nafatin kontente no hau selu ona multa hamutuk $35 dolar motor hau foti ona.

“Bainhira Portugal sei joga ami nafatin halo pawai maske polisia prende ami nia motor no ami garante katak sei la akontese konflitu entre ami,” nia hateten.

Alende ne’e nia dehan, iha Timor maioria mak suporta Portugal tanba ne’e kuandu joga entre Portugal Dili sempre barulhu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04