Terça, Agosto 03, 2021

Diretor Edukasaun Munisipio Covalima, Edmundo Pereira, hateten Ministerio Edukasaun Juventude no Desporto (MEJD) hasa’i ona sirkular ida hodi suspende eskola iha zona fronteira sira hahu dia 19 Fevereiro to’o dia 3 Marso 2021 atu nune’e estudante no professores hotu bele kumpri regras Estado Emergensia (EE).

Diretor Edukasaun Munisipio Covalima, Edmundo Pereira, hateten Ministerio Edukasaun Juventude no Desporto (MEJD) hasa’i ona sirkular ida hodi suspende eskola iha zona fronteira sira hahu dia 19 Fevereiro to’o dia 3 Marso 2021.

Nia dehan, sirkular ne’e hasai husi MEJD hodi suspende provizorio prosesu aprendisagem iha eskola hotu iha Covalima.

“Ami kumpri sirkular husi Governo ho eskola hotu suspende hahu ohin dia 19 fevreiro no termina iha dia 3 marso maibe depende ba situasaun iha fronteira,” nia dehan, via telefone.

Tanba ne’e nia dehan, desizaun suspende prosesu aprendisagem iha eskola atu nune’e estudante ho professor sira bele hakmatek iha uma hodi kumpri regras Estado Emergensia (EE) hodi halo prevensaun ba Covid-19.

“Prosesu aprendisagem iha eskola mak parado maibe estudante sira nafatin akompanha husi programa eskola ba uma ne’ebe mak oferese husi Ministerio Edukasaun Juventude no Desporto,” nia informa.

Enkuanto total eskola iha munisipio Covalima hamutuk 27 komposto husi pre- eskolar to’o ensinu sekundario jeral no tekniku vokasional.

Iha parte seluk Kordenador Timor-Leste Coalition for Education (TLCE), Jose Monteiro hateten, ba eskola iha Munisipio Covalima no Bobonaro ne’ebe mak governo hasai ona sirkular hodi hapara aktividade eskola, goveno mos tenke kria ka haforsa programa eskola ba uma nune’e bele fasilita estudante sira aprende.

“Tanba hanesan ne’e estudante sira baruk ona mai eskola, tanba foin mak tama deit feriado fali ona, maibe feriado ida ne’e hodi kuntribui ba prevensaun Covid-19,” nia dehan.

Maibe nia husu MEJD tenke reforsa programa eskola ba uma nune’e mos programa ne’ebe dezenha materia ne’e hodi bele atribui ba estudante sira hodi aprende iha uma.

“Ita hatete, beibeik ona prosesu aprendisagem ne’ebe mak aplika liu husi programa Eskola Ba Uma fo sai husi televizaun, radio no media sosial sira ne’e ladun fasilita estudante sira prende tanba ladun atrai estudante sira,” TLCE Monteiro.

Nia dehan, programa Eskola Ba Uma ne’e diak maibe estudante barak mak la partisipa tanba iha foho rede internet la iha, estudante balun iha uma laiha televizaun hodi akompanha, tanba ne’e fo impakto makas ba abilidade estudante sira nian, tanba ne’e se diak liu fahe deit livro.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04