- Publika iha: 02 Setembro 2011
Bainhira ema ida moris mai iha mundu ne’e, Maromak tau kedas talent ba ema ida-idak atu oinsa mak nia bele dezenvolve talenta ne’ebé iha nia aan. Hanesan akontese ba Joni Ximenes, maske hasoru dezafiu barak maibé nia haka’as aan atu aprende buat barak inklui aprende pintura e ikus mai nia sai pintor duni.
“ Ha’u aprende pinta no ukir ne’e desde ha’u sei ki’ik eskola iha eskola iha primaria no, ha’u iha esperansa katak ba futuru ha’u sei sai pelukis ne’ebé diak ( terkenal ) e ikus mai los duni ha’u sai duni pintor,”hateten Joni Ximenes, semana kotuk , iha nia hela fatin Bidau-Lecidere, Dili.
Tuir nia , buat ne’ebé sira hanorin kona ba pinta n e’e primeiro susar tebes -tebes ba sira maibé tamba sira mós esforso a’an nafatin to’o ikus buat ne’ebé sira hanorin la saugati no realidade hatudu maske presiza tempo maibé to’o ohin loron sira bele pinta no ukir .
Materia ne’ebé nia aprende mak pinta, ukir inklui oinsa bele dezain buat ne’ebé mak laiha signifikadu no mós iha valor no mós bele hatama osan liu husi pinta ida ne’e , pinta livros uma adat , ema no buat seluk seluk tan.
“Liu husi pintura ha’u bele hetan osan,”nia koalia ho kontente.
Folin ba ukir no pinta konforme ba kualidade , se pinta no ukir ne’e kualidade diak entaun sira fa’an $15,00 ba leten maibé se nia kualidade la dun diak nia fa’an nia folin $ 15,00 mai karaik.
Tama pintura la’os Timor oan de’it maibé ema estranjeiru sira ne’ebé hakarak hola sira bele hola tuir sira nia hakarak.
Nia konta,dala ruma pinta de’it iha uma, se ema ne’ebé kuinhese nia mai pesan de’it iha nia uma mais ou menos nia pinta kada dezenu ida iha loron ida ,” se husi igreja mak presiza mós nia pinta de’it saida mak hakarak husi igreja haruka,”nia konta.
Entertantu Cesaltino dos Santos,nudar estudante hateten iha sira nia eskola sira aprende mak teori de’it maibé laiha praktek lolos iha praktek mai iha teoria. Bainhira liu husi praktek mak bele iha teoria atu nune’e “ ita bele aprende oinsa mak bele pinta dezenu ida sai furak liu tan , se iha de’it teoria laiha pratika ita bele remata husi eskola ida ne’e ita sei la aprende buat ida,” nia dehan
Tan ne’e husu ba Ministerio Educasaun atu kria netik programa ruma kona-ba artes nian atu nune’e aban bainrua “ ami tamat no laiha servisu ruma karik liu husi talentu ne’ebé mak ami hetan husi programa sira ne’e ami bele kria rasik kampu de trabalho kona-ba arte nian tanba liu husi arte kria servisu ba ami nia a’an rasik no mós bele hetan osan ruma husi rezultadu ne’ebé ami halo,”nia hateten.