- Publika iha: 07 Outubro 2011
Laiha dalan seluk bainhira feto klosan ida isin rua sein iha responsabilidade husi mane, nia tenke buka meius oi-oin inklui soe nia bebe nune’e bele taka moe.
Tuir komunidade hanesan mos inan ida iha bairo Formoza ne’ebe lakohi publika nia identidade katak problema feto soe oan la’os foin akontese maibe dalabarak ona tanba moe.
“Hau sente triste tanba ne’e hatun dignidade ita feto nian e hau hanoin buat hirak ne’e akontese tanba mane lakohi tanggung jawab e mos tanba falta edukasaun husi uma laran,” hateten fonts konfirmadu ne’e, semana kotuk (13/09) iha Formoza,Dili.
Nia parte hato’o kestaun ne’e relasiona ho foin dadauk (13/09) komunidade sira iha bairo Formoza-Kampo Demokrasia hetan bebe oan ida ne’ebe soe iha bee dalan.
“Ema soe bebe iha fatin ne’e duni maibe hau rasik la hare bebe ne’e tanba bainhira ami mai ema foti tiha bebe ne’e,”nia dehan.
Fontes ne’e hatutan, problema soe bebe laos deit husi feto ne’ebe remata eskola maibe liu-liu ba feto eskola oan sira.
“Tan ne’e hau husu ba Governo liu-liu ba Ministerio Educasaun atu kria netik regulamentu ruma hodi haruka ba escola hotu atu nune’e sira bele tuir regra ne’ebe iha ona,”nia sujere.
Iha parte seluk tuir Deputada Virginia Ana Belo katak kazu feto sira soe oan dalabarak akontese tanba moe. “Tanba balun isin rua tanba perkosa, balun tanba mane lakohi responsabiliza e balun mos tanba iha fator seluk hanesan ekonomia la sufsiente,”nia dehan