Sexta, Março 01, 2024
Total visitors: 766366

Ministru Komersiu no Indústria (MCI), Filipus Nino Pereira rekoñese implementasaun foos subsidu iha faze dahuluk fulan outubro até dezembru tinan 2023, empreza retalho balun inventa folin foos tanba ne’e governu orieta ona kompañia importador sira atu tau marka foos subsidiu hodi evita manipulasaun presu atu komunidade sira bele iha asesu ho folin ne’ebé baratu.

Ministru Komersiu no Indústria (MCI), Filipus Nino Pereira rekoñese implementasaun foos subsidu iha faze dahuluk fulan outubro até dezembru tinan 2023, empreza retalho balun inventa folin foos.

Nia dehan presiza duni hadia mekanismu distribusaun, ne’ebé iha opsaun rua mak kompañia importador sira faan direita liu husi atividade bazar baratu no tau marka foos subsidiu atu públiku bele identifika.

“Ita orienta ona ba kompañia importador sira atu tau marka,” nia hateten hafoin halo visita ba kompañia ida iha Aimeti Laran, Dili.

Ministru lamenta no triste empreza retalho sira balun aproveita oportunidade inventa folin foos ne’ebé governu subsidu.

Nia hateten iha kompañia lima ne’ebé asina MOU ho MCI.

Nia haktuir empreza ne’ebé faan foos ho folin liu presu ne’ebé determina ona sei hetan sansaun.

Iha parte seluk, Konsumedór Natalia Soares husu governu atu kria ekipa hodi halo monitorizasaun iha merkadu, liu-liu iha munisípiu sira tanba sempre akontese inventa folin foos.

“Governu tenke halo monitorizasaun rutina iha merkadu tanba sitauasaun agora udan monu rai kondisaun estraga ne’ebé aat sai razaun ba empreza sira atu inventa folin no identifika empreza sira ne’ebé inventa folin fo kedas sansaun,” nia hateten.