Atu hasa’e kualidade edukasaun iha Timor-leste ho diak, governu presiza kria kondisaun moris ne’ebe diak ba profesores sira, liu-liu sira ne’ebe hanorin iha eskola publiku.
“Tuir hau nia hare no observa katak governu ita nia governu presiza tau matan ba salariu pofesores sira nian, nune’e sira iha vontade diak atu hanorin estudante sira ho kualidade,”hateten Asesor Lian iha Ministeriu Edukasaun, Agostinho Caet, semana kotuk (08/09) iha Vila-verde,Dili.
Nia parte hato’o kestaun ne’e relasiona ho eskola privadu ne’ebe iha kualidade edukasaun diak liu kompara ho eskola publiku.
Alende salariu, tuir Caet profesores sira ne’ebe agora hanorin iha eskola sira ne’e maioria tanba hatene Portugues maibe la bazea ba background edukasaun ba profesores. “tanba ne’e dalaruma halo impedementu ba kualidade edukasaun iha eskola publiku,”nia dehan.

Leia mais...

Tuir Diretora Jeral UNESCO, Irina Bokova hateten  alfabetizasaun mak hanesan aselerador ba prosesu dezenvolvementu no forsa ba paz.
“Tanba ne’e hau husu ba governu, organizasaun internasional sira, sosiedade sivil no setor privadu hodi transforma alfabetizasaun ba proriedade politika nune’e ema hotu bele dezenvolve ninia potensialidade no partisipa hodi hadia liu tan sosiedade ne’ebe sustentavel no pasifiku,” sujere Irina Bokova, semana kotuk  (08/09) bainhira partisipa iha selebrasaun loron alfabetizasaun iha salaun SKB Vila verde,Dili.
Tuir nia, programa alfabetizasaun importante ba paz tanba fo benefesio barak ba ambiente kultura, sosial , politika no ekonomia ema nian.
“Laiha pais ida mak hakarak estabelese kondisaun  paz rohan la’ek se la liu husi dalan ida ne’ebe hari konfiansa mutua entre sidadaun sira liu husi sistema educasaun eskluziva mak promove komprensaun mutua respeita toleransia no dialogu,”nia dehan.

Leia mais...

Tuir Asesor Lian iha Ministeriu Edukasaun (ME) Agostinho Caet katak lian Portugues ne’ebe durante ne’e hanorin iha eskola,ladun transfere ho diak tanba alunus barak mak lahatene lian ne’e.
“Hau hanoin hanorin ho lian Portugues iha eskola ne’e diak maibe alunus sira ladun partisipa ho diak tanba lian ne’ebe profesores sira hanorin ne’e alunus sira lahatene no la kumpriende entaun matenek ne’e ladun transfere ho diak, ladun efetivu entre alunus ho profesores,” hateten Agostinho Caet semana kotuk (08/09) iha nia knar fatin Vila-verde,Dili.
Tuir nia, ohin loron mundu modern, presiza jerasaun ne’ebe kritiku tanba ne’e bainhira iha prosesu aprendizajen alunus sira ladun partisipa oinsa mak bele garantia kualidade edukasaun ne’ebe diak.
“Maske alunus sira iha buat barak mak atu hato’o maibe tanba  lahatene lian Portugues entaun nia nonok deit ona,ne’e ladun diak,”nia katak.

Leia mais...

Universidade Nasional Timor-Lorosa’e (UNTL) desidi katak liu hosi ambiente iha kampus hotu universitariu mos importante ba aprendizajem estudantes no mos ba staff dosente no seluk tan iha insitutisaun nasional ne’e no mos diak atu hatudu ba instiutisoens seluk kona ba importansia mantein ambiente mos.
Oras ne’e UNTL estabelese ona ekipa limpeza atu proteje ambiente iha universidade nasional ne’e.
Vise Dekano I husi Fakuldade Edukasaun Artes e Humanidade, UNTL, Pedro Soares, hateten katak ambiente iha nia fakuldade oras ne’e dadaun saudavel teb-tebes hahu husi jardim, koredores, parede, no salas de aula.
“Hau husu ba estudante no dosente sira atu bele mantein nafatin ho ambiente ne’ebe mos hosi nune’e bele garante prosesu aprendizajen ho di’ak ba estudante sira,” hateten Vise Dekano I Soares, foin dadauk, iha Kampus UNTL iha Dili.

Leia mais...