Eskola Sekundaria Rainha da Paz ne’ebe hetan estragus iha krizi 2006 to’o agora seidauk hadia,maibe prosesu aprendizajen kontinua la’o ho diak sein iha failansu.
“Prosesu aprendizajen la’o normal hanesan ho eskola sira seluk,karik ami sei liu eskola balun tanba ami nia estudante sira tama eskola ho kontente nune’e ami hanesan profesores maske ami nia eskola sei dauk hadia,”hateten Diretor Eskola Rainha da Paz,Hendrique C.da Costa semana kotuk (29/09) iha Bebonuk,Dili.
Nia hatutan, mesmo kondisaun escola aat hela maibe alunus balun hetan  bolsu estudu husi ajensia internasional husi Australia nian.
“Kuaze estudante na’in 20 mak hetan bolsu estudu  hodi selu sira nia eskola e ami mos kopera ho ajensia Australia nian kona-ba fo kursu lian Inglesh baa mi nia estudante sira e agora ami alunus nain 18 mak eskola iha liur,”nia dehan.

Leia mais...

Tuir Sekretariu Estadu Joventude e Desportu (SEJD) Miguel Manetelo katak  Parlamentu Foinsa’e (PF) hanesan fatin atu prepara joventude sira hodi sai lideransa ne’ebe diak iha future.
“Membru Parlamentu Foinsa’e  sira so hetan formasaun, sira tuir kursu, tuir estudu komparativu hodi kesi liu tan sira nia aan hanesan lider ida iha sira nia Distritu,Sub-distritu,iha suku, iha sira nia bairo e ikus mai sai lider iha nasional,”hateten SE.Miguel Manetelo, semana kotuk (23/09) iha nia knar fatin Sional,Lesidere–Dili.
Nia hatutan,iha PF membru sir abele konese malu ho diak liu tan, sir abele aprende buat seluk ne’ebe sira lahetan iha sira nia eskola,liu-liu halo debate kona-ba isu ruma hanesan mos deputadu sira iha Parlamentu Naisonal.
“Ita promove sira nia valores ne’ebe sira hetan uiluk iha sira nia suku laran liu husi parlamentu foinsa’e, sira bele konese malu diak liu tan, e ha’u fiar katak sira sei hetan juara iha sira nia eskola, tanba sira iha ona esperiensia, aprende oinsa halo debate ba asuntu ruma,”nia esperansa.

Leia mais...

Rehabilitasaun Eskola Sekundaria no 4 UNAMET, iha Matadouro, Dili, ne’ebe oras ne’e dadaun hala’o hela iha tempu hanesan orario estudantes tuir aprendizajem empata estudantes nia konsentrasaun tanba la konsegue rona professores ho barulhu kontrusaun no muskia loke aas.
Maria Regina, estudante terseiru anu iha eskola ne’e hateten, kondisaun iha eskola ladun favoravel atu sira hala’o prosesu aprendizajen iha aula.
“Bainhira ami hala’o aula laiha konsentrasaun ba professor sira, tanba ami rona mak lian barullu no rona músika ne’ebe sira toka lor-loron,” dehan estudante Regina, semana kotuk iha eskola fatin.
Nune’e mos, Diretor Eskola, Marcelino da Costa, hateten tanba kondisaun eskola oras ne’e dadaun la diak mak prosesu rehabilitasaun ba eskola ne’e halao iha tempu hanesan aulas nian.
Total aula iha ESP 4 UNAMET hamutuk 26, maibe agora dadaun estutantes sira utiliza de’it aula 12, tanba aula sira seluk sei reabilita hela.

Leia mais...

Ho problema hela fatin ba profesores sira ne’ebe do’ok husi eskola n’ebe sira hanorin atraza prosesu aprendizajen tanba dalabarak profesores sira tarde bainhira ba hanorin.
“Hau sente triste oituan tanba ami nia kolega sira ne’ebe hela fatin do’ok hanesan hela iha Comoro tenke mai fali hanorin iha Bidau,dalaruma sira mai tarde entaun atraza prosesu aprendizajen iha eskola,”preokupa profesores Bernardina de Sena semana kotuk (22/09) iha Bidau-Akadiru-Hun,Dili.
Mestra ne’e afirma, tuir orariu eskola tama tuku 08:00 maibe realidade to’o tuku 08:00 mos profesores sira seidauk iha  tanba sira hela do’ok no prosesu aprendizajen la’o tarde.

Leia mais...