Marcoda Costa, tinan 15, hela iha Loromata, Dili, hateten nia lor-loron fa’an es campur  tuir dalan hodi substenta moris lor-loron.
Maske loron manas no senti kolen, kosar metan suli, maibe tan buka moris, Marcos  dudu es campur hodi fa’an tuir dalan no dala ruma loron tomak la han.
“Hau nia inan-aman la mampu atu selu hau nia eskola, tanba ne’e hau dezenraska hodi buka moris rasik liu husi fa’an es campur no hau lakoi atu depende deit ba hau nia inan, aman maibe oinsa bele mandiri [independente],” hateten Marcos.

Leia mais...

Estudante Universidade Nacional Timor Lorosa’ e (UNTL) prepara-an ba Pós-gradusaun ne’ebe sei realiza iha Novembru oin mai iha salaun Centro de Convenções Dili.
Tuir Vise Departementu Inglez Agustinho da Conceição haktuir katak, estudante ne’e mak atu tuir graduasaun, primeiru tenke iha kualidade atu nune’e bele fó kontribuisaun no dezenvolvimentu nasaun nian.
“Estudante ne’ebe maka atu tuir graduasaun tenke iha kualidade signifika katak sai husi UNTL ba buka servisu iha fatin oi-oin, Governu no NGO, atu bele aplika saida mak sira aprende durante hala’o estudu iha Universidade”, tenke vise ne’e iha nia knaar fatin UNTL, Liceu.

Leia mais...

Eskola 28 Novembro, iha Dili, falta faselidades hanesan livrus no mos biblioteka ida iha eskola laran hodi fasilita prosesu aprendizanzen alunus sira nian.
Tuir director eskola 28 Novembro, Domingos Miguel, semana kotuk (10/10), iha servisu fatin fasilidade ne’ebe mak sei falta iha nia eskola mak kondisaun eskola ne’ebe la permiti no presiza tan livrus balun ho lian portugues no bibleoteka ida hodi tau livrus sira iha laran ho seguru.

Leia mais...

Importansia lian materna iha sistema edukasaun nia objectivu prinsipal mak atu ajuda labarik sira aprende diak liu tan iha sira nia prosesu aprendizasen tamba hahu iha faze inisio mnak uza lia inan sira ka lian materna.
“Entau  bele motiva sira husi kik fasilita komunikasaun ne’ebe efetivo tebes ho sira matenek ne’ebe professores sira transfere lao ho diak tamba komunikasaun lao ho diak ,” hateten porta voz Rede Promosaun Educasaun Multilinge, Agostinho Caet, foin lalais (10/10), iha Aula Konferensia Educasaun Non Formal (SKB ), Ministerio Edukasaun, iha Vila Verde, Dili.
Tuir porta voz ne’e katak labarik sria presiza hahu aprendizajen ho sira nia lian depois mak bele enkoraza sira aprende tan lian ofisial sira ho razaun katak bainhira labarik ida hahu ho lia inan prosessu ne’e bele tulun labarik sira aprende lian ofisial  ho lalais.

Leia mais...