Atu fortifika liu tan sensibiliza programa igualidade jeneru, Governu liu husi Sekretaria Estadu  Promosaun e Igualidade (SEPI) servisu hamutuk ho Universidade Nasional Timor Lorosa’e loke Sentru Estudus Jeneru (SEJ) iha universidade ne’e liu husi asina akordu hodi servisu hamutuk ba jeneru.
“Hau hanoin universidade hanesan ema ne’ebe akademiku, ema matenek husi ne’eba tanba ne’e mak importante tebes atu reforsa no fortifika diak liu tan atu oinsa bele sensibiliza programa igualidade jeneru ba iha programa sira ne’ebe sei hala’o iha UNTL,” hateten SE. Idelta Maria Rodrigues hafoin asina akordu ho UNTL, semana kotuk (23/09) iha Palasiu Governu, Dili.

Leia mais...

Relasiona ho feto foinsa’e barak mak la konsege remata sira nia eskola no bele kontinua  hikas eskola maibe presiza kria lei ida, Diretor Nasional Planu Estatistika Teknolojia no Informasaun Ministeriu Edukasaun, Afonso Soares  afirma depende ba Parlamentu ne’ebe halo lei.
“Ami hanesan peskizador labele halo buat ida, maibe ami sei rekomenda ba leten mas ne’e depende ba orgaun lejislasaun ne’ebe halo lei,”hateten Diretor Nasional  Planu Estatistika Teknolojia no Informasaun, Afonso Soares semana kotuk (20/09) iha Vila verde,Dili.
Kona-ba feto sira ne’ebe la konsege remata sira nia eskola,  nudar peskizador halo ona peskiza iha distritu 3, ne’ebe diskunfia  iha disritu 3 ne’e mak barak liu feto  sai sedu husi eskola. Distritu 3 ne’e mak Distritu
“Iha peskiza ne’e rezultadu hatudu mai ita katak maioria feto barak ho idade  17 ba leten nia persentajen barak liu (idade 17 iha 20%), (18 anos iha 22%), (idade 19 iha 28%) duke idade 16 mai kraik,”nia informa.

Leia mais...

Sentru Rekursu Feto Fundasaun Alola (CRF-FA) prontu atu ajuda no kapasita feto sira liu-liu feto potensial sira atu oinsa mak sira bele hasa’e sira nia kapasidade.
“Iha ne’e ami iha mini biblioteka sir abele asesu iha ne’e,liu-liu estudante feto iha universidade ne’ebe presiza livrus referensia, ami mos iha komputador atu sir abele uza ba halo sira nia tugas, ba sira ne’ebe lahatene komputador ami hanorin sira mas baziku deit,”hateten Manajer CRF-FA, Alzira Sequera Viera semana kotuk (22/09) iha Delta Nova, Dili.
Alende fo kapasitasaun kona-ba komputador, CRF mos atende vitima Violensia domestika ne’ebe mai hato’o keixa,liu-liu ba feto sira.
“Ami fo akonsolamentu baziku ba vitima sira ne’e, maibe atividade espesifiku liu mak ami iha diskusaun mensal ho grupu feto sira inklui mos mane iha area lideransa nian,iha area saude no seluk tan,”nia katak.

Leia mais...

Atu prepara diak liu tan feto potensial sira iha Partidu Politiku ba eleisaun jeral tinan oin Organizasaun Naun Govermental ) Rede feto sei fo formasaun ba sira iha Outobru fulan oin .
“Sim, ami sei formasaun ba feto husi partido politiko sira hamutuk ema na’in 75 iha fulan oktober .” hateten Program Manager Caucus-Rede Feto Paula Corte Real,semana kotuk ( 13/09 ) iha nia knar fatin Mascarenhas, Dili.
Tuir nia ,Caucus liu husi advokasia Working group Rede Feto involve Caucus tamba Caucus mak sai hanesan lidera ba working Group ne’e hasoru ona partidus barak maib e Caucus hateten ona Caucus nia Programa ba ParPol sira .
Oras ne’e dadaun Partidus 6 mak sira hasoru ona no hein deit ajenda husi Caucus-Rede Feto atu tuir formasaun.

Leia mais...