- Publika iha: 21 Setembro 2012
Eskola Pre -Sekundaria Publiku Koni Santana iha Gleno, Distritu Ermera durante ne’e infrenta problema faltas profesores inklui salas ba aulas, tanba ne’e husu ba Ministeriu Edukasaun atu toma atensaun.“Ami nia salas de aulas no profesores ne’ebe maka menus tebes, enkuantu kada tinan numeru alunus aumenta ba bebeik, agora dadaun tolal estudante rihun ida resin, no total profesores hamutuk 38 pesoas, profesores voluntariiu nain neen, ne’e sei menus los,” preokupa Diretor EPP. Koni Santana, Dominggos Lemos, (07/09), iha Gleno, Ermera.
Atu prosesu aprendizajen kontinua la’o, Diretor Eskola foti dalan alternative balun dader no balun tama meiudia.
“Kelas tiga ho dua eskola dader no kelas satu tama meudia,” dehan Diretor Lemos.
Entretantu Prezidente Komisaun F Parlamentar, Deputadu Virgilio Hornai hateten, ne’e preokupasaun bo’ot ne’ebe Ministru Edukasaun tenke rezolve tanba edukasaun nudar asuntu ne’ebe sensivel liu.
“Ita konstrui ita nia eskola maibe kada tinan ne’e alunus aumenta, entaun ministeriu buka oinsa par abele resolve problema ne’e,” dehan Deputadu ne’e.