Komunidade komesa sunu rai

Maske governu bandu ona atu labele sunu rai arbiru, maibe komunidade komesa sunu rai, tanba ne’e husu ba guarda florestal atu hakbesika aan ba iha komunidade hato’o informasaun ba sira atu labele sunu rai.

“Hau hanoin ita atu kontrola ba fatin hotu ne’e defisil, maibe importante guarda florestal sira fo informasaun ba komunidade sira atu labele sunu rai tanba impaktu mak halo bee matan maran, hamosu erosaun, mota sa’e estraga ema nia uma no to’os inklui halo rai monu bainhira tempu udan,” hateten deputadu Estanislao da Silva, semana kotuk iha uma fukun Parlamentu.

Eis ministru agrikultura ne’e hateten, atu prevene komunidade sira sunu rai arbiru,governu liu husi Ministeriu Agrikultura e Peska, liu-liu Diresaun Nasional Florestal presiza halo kampanha edukativu liu husi media, nune’e sir abele komprende impaktu husi sunu rai.

“Ita iha lei subsidiariu Indonezia nian, mas importante ita halo kampanha hodi mobiliza ita nia tekniku sira ne’e hotu hodi halo servisu”Eis ministru ne’e informa.

Entretantu tuir deputadu husi bankada ASDT, Alberto da Silva Crus, katak MAP diresaun Florestal presiza kria lei ida para halo protesaun ba ema hodi labele sunu rai .

“Sunu rai ne’e estraga ita nia meiu ambiente tanba ita presiza lei ida atu proteje ema labele sunu rai arbiru,” Albertu fo sujestaun.

Tuir Albertu katak sunu rai arbiru bele estraga hotu Ai rihun ba rihun no hamosu dezastre bar-barak.

Alende ne’e Deputado Natalino husi bankada CNRT hateten katak lei bandu ema labele sunu rai arbiru maibé importante liu mak konsiensia komunidade sira labele sunu ,tenki kuda nafatin Ai sira.

“Se ita kontinua sunu nafatin rai, aban bainrua bele fo impaktu ba ita nia vida moris tanba ai ne’e buat ida importante teb-

Entretantu bainhira jornalista tenta konfirma asuntu ne’e ba iha sekretariu estadu Meio Ambiente maibé lakonsege tanba okupadu.