Quarta, Setembro 22, 2021

Sekretariu Estadu Formasaun Profesional no Empregu (SEFOPE) apoiu fundu ho montante $300,000 ba sentru formasaun 18 ne'ebe eziste iha Timor-Leste hodi fo kapasitasaun ba juventude sira.

Sekretariu Estadu SEFOPE Alarico do Rosario hateten apoiu orsamentu refere hodi fortifika kualidade formasaun ba joven sira iha sentro formasaun 18, inklui Bom Bosco, STVJ Becora, no sentru formasaun Canosa.

Sekretariu Estadu SEFOPE Alarico do Rosario hateten apoiu orsamentu refere hodi fortifika kualidade formasaun ba joven sira iha sentro formasaun 18, inklui Bom Bosco, STVJ Becora, no sentru formasaun Canosa.

"Ita husu ba sentru formasaun sira atu hadutu kualidade diak husi rezultadu formasaun no ami prontu nafatin atu reforsa nafatin iha orsamentu," SEFOPE Rosario informa iha knar fatin Kaikol, Dili.

Nia dehan, husi orasmentu ne'ebe aloka ne'e kada sentru formasaun hetan montante la hanesan tanba tuir proposta ne'ebe mak sira hato'o ba SEFOPE.

Maibe nia husu mos ba sentru formasaun seluk ne'ebe mak seidauk hetan apoiu orsamentu husi SEFOPE, atu hein sira nia vez.

"Ita apoiu sentru formasaun sira tanba tuir programa prioridade VIII governu nian liu-liu konaba area formasaun profesional," nia salienta.

Entretantu, Diretor Sentru Nasional Formasaun Profesional Becora, Lourenço da Silva Gusmão hateten orsamentu sentru Becora depende ba governu apoiu hodi fasilita formasaun profesional ba joventude sira.

"Tinan ne’e sentru hetan orsamentu husi governu hamutuk $47,000 hodi uza ba atividades kursu iha sentru rua sentru Becora ho Beaco, ba iha nia joven sira," Diretor Gusmao hateten.

Nia dehan, husi orsamentu ne'ebe mak apoiu SEFOPE, agradese tebes no nafatin kuntribui ba formasaun ne'ebe kualifikadu iha skil no abilidade hodi responde ba kapasidade joven nian iha area industria.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04