- Publika iha: 17 Janeiro 2012
Tuir informasaun Membru Parlamentu Nasional, Deputada Ilda Maria da Conceição, hetan hosi bolseiru sira husi Ministeriu da Admistrasaun e Ordenamentu do teritoriu (MAEOT) katak boldeiru hamutuk 38 ne’ebe hetan bolsa estudu atu estuda iha Indonesia tenki uza fali sira nia osan rasik atu ba tanba MAEOT la dispoin osan ba sira.
“Sira haruka sira ba ho sira nia osan rasik depois mak sira haruka osan tuir ba,” hateten Deputada da Conceição, iha plenaria Parlamentu Nasional, Dili, foin daudauk.
- Publika iha: 17 Janeiro 2012
Projetu piloto atu uza lian materna durante prosessu aprendizajen formal sei implementa iha fulan Fevereiro 2012 nia laran iha Distritu tolu uluk; Distritu Manatutu, Oe-Cusse no Lautem.
“Ami agora iha ona faze preparasaun. Prepara formador depois sira forma fali professores sira seluk iha baze. Ami foin daudauk halo tiha ona ba professores sira e ami mos prepara sosializasaun atu eduka komunidade sira. Kona ba implementasaun presiza sosializa uluk antes atu implementa,” hateten Asesor Lian Materna, Agostinho Caet, iha nia knar fatin Ministerio Educasaun, iha Vila Verde, Dili, foin lalais.
- Publika iha: 17 Janeiro 2012
Bazeia ba Plano Saude Escolar Publika ba 2012 sei koko hadia buat ne’ebe lao la dun efektivu iha tinan 2011 iha sector edukasaun publika liu liu ba alunos sira iha ensino baziku hanesan programas merenda escolar no saude publiko escolar.
“Tan ne’e mak parseiru sira sei tur hamutuk atu koalia kona ba planu saida mak presiza atu hadia iha 2012 ne’e,” hateten Director Nasional Aksaun Sosial Escolar, Carlitu Mota, foin lalais iha iha Salao Educasaun Non Formal (SKB ), Ministeriu Edukasaun, Vila Verde, Dili.
Tuir Director Mota katak husi Ministerio Saude (MS), Departamentu Saude Publiko Escolar tenki hare ba saude estudantes sira iha eskola publiku no tenki iha ligasaun oituan ho merenda escolar tamba saude publiko escolar ne’e iha duni Departamentu rasik atu haree kona ba assunt ne’e.
Nia hato’o ezemplu kona ba ligasaun ne’e, Departamentu Saude Publiky Escolar bele sosializa alunus atu bainhira atu han sira nia merenda eskolar tenki fase liman depois han hotu tiha sira atu loke fali kadernu no estuda fali tenki fase liman.
- Publika iha: 12 Janeiro 2012
Tuir Secretario Jeral Sindikatu Professores Timor-Leste (SPTL), Francisco da Costa Fernandes, Ministerio Educasaun (ME) tenki espika klaru kona ba objectivo Formasaun ba Professores tamba durante ne’e profesores barak ba tuir formasaun maibe sira seidauk hatene kona ba objectivo husi formasaun ne’e ka bazeia ba politika ruma.
“Kursu ne’e finaliza sei halo teste para bele asesu ba iha vaga ruma ou tama iha escalau ou kategoria. Formasaun ne’e atu ajuda professors sira ne’ebe agora dadauk seidauk asesu ba iha rejime de kareira permanente para valoriza formasaun para sira bele asesu direita ba iha rejme permanente ka oinsa,” hateten SJ SPTL, Fernandes semana kotuk (14/12), iha nia knar fatin Knua Buka Hatene, iha Colmera, Dili.