- Publika iha: 02 Abril 2012
“Sei planea tuir kondisoens konkreta ne’ebe ami iha, atu hala’o depois de eleisaun Parlamentares ,” hateten Kordenador Analfabetismo Distritu Baucau Felix Jeronimo, semana kotuk (20/03) iha Tirilolo, Distritu Baucau.
Koordenador Jeronimo hatutan, agora dadaun salas ne’ebe funsiona ba programa analfabetismu hamutuk iha 121 salas, kompostu husi iha Sub-distritu Quelicai iha 12 salas, Bauguia iha sala lima, Sub-distritu Laga iha sala rua, Venilale iha sala ida, enkuantu iha Baucau Vila iha 101 salas no iha Sub-distritu Vemasse remata iha Setembru 2011.
Sira ne’ebe tama iha kampanha nasional ba analfabetizasaun mak ferik no katuas sira inklui joven sira ne’ebe idade avansadu ona, ne’ebe lahatene lee no hakerek.
“Ho nia objetivu atu hanorin sira, para sira mos bele kunhese mais ou menus kona ba sira nia moris lor-loron nian, se sira hatene hakerek no lee bele akompania no hadia sira nia vida moris nian iha educasuan, saude, agrikultura no selluk tan,” Nia katak.
Bainhira programa ne’e remata, Ministeriu Edukasaun (ME) sei fo sertifikadu ba sira, atu deklara katak livre husi analfabetismo.
Sertifikadu la’os deit ba partisipante maibe mos ba profesores sira no autoridade lokal hanesan Xefe Suku, Xefe Aldeia, Administrador Distritu-Sub Distritu, mos ba polisia sira, padre sira, madre sira ne’ebe fo apoio maka’as ba programa ne’e.
Iha parte seluk Komunidade ne’ebe partisipa iha programa ne’e, Izaguelina Freitas hateten programa ne’e diak tanba ajuda sira atu hatene lee no hakerek.
“Ami ferik no katuas sira bele hatene hakerek no lee hanesan labarik no jovens sira, saida mak sira aprende ami mos aprende,” hateten Komunidade Freitas.
Tanba ne’e, nia parte husu ba Governu atu kontinua programa ne’e, nune’e Timor mos bele livre husi analfabetu no komunidade internasional mos bbele hatene katak Timor mos bele iha area edukasaun nian.