- Publika iha: 16 Março 2012
Tuir Diretor do Curiculum Nasional Accão e Avaliasaun Escolar (DCNAAE) Raimundo Jose Neto hateten governu liu husi Ministeriu Edukasaun (ME) foin mak distribui livrus hirak ne’e ba eskola hotu tanba cetak iha Surabaya-Indonezia. “Percetakan iha Timor barak maibe laiha kapasidade atu cetak livrus sira ne’e e mak ami cetak fali iha Surabaya,
entaun distribuasaun mos tenki tarde,” hateten Diretor Neto, semana kotuk (29/02) iha nia knar fatin Vila-verde, Dili.
Tuir Diretor ne’e, antes ne’e sira halo konkursu ba percetakan sira iha Timor-Leste (TL) maibe realidade percetakan sira ne’e laiha kapasidade.
“Tanba ne’e mak ami cetak fali iha Surabaya no foin iha semana kotuk mak halo distribuisaun e ami nia sistema hakarak livrus ne’e tenki suku atu nune’e labele nakloke,” Diretor Neto afirma.
Nia hatutan, livrus sira ne’e sei fahe tuir proporsionalidade, tuir numeru de alunus, “sira ne’ebe barak sei simu liu no alunus sira ne’e numeru ladun barak simu tuir numeru ne’ebe iha,” Nia dehan tan .
Maske nune’e, Diretor Neto afirma, livrus hirak ne’e la to’o para fahe ba alunus sira ida pur ida tanba orsamentu ne’ebe limitadu “karik iha cetak kedua iha tinan ida ne’e mak bele to’o ba alunus sira, livru ida ba ema ida,” Nia esperansa.
Prosesu distribuisaun livrus oras ne’e la’o hela, hahu husi rejiaun Leste nian hanesan Distritu Baucau , Lospalos, Viqueque, Manatuto foti kedas ona iha semana kotuk, so rejiaun Dili nian seidauk tanba sei buka transporte.
Entertantu Diretor Escola Sekundaria No.04 de Setembru UNAMET, Balide-Dili, Alberto da Costa Braz hateten maske Ministerio hahu distribui livrus ba escola hotu maibe escola ida ne’e rasik seidauk simu livruss ne’e.
“Husu ba Ministerio Educasaun atu halo prosesu ne’e lalais atu implementa curriculum foun ne’e mai para labarik sira mos bele estuda tanba orario ne’e ba escola sira maibe falta mak livru sira ,” dehan Diretor Braz.
Iha parte seluk Estudante terseiru ano husi Eskola 10 de Dezembru, Jose da Costa husu atu livurs sira ne’e fahe lalais, nune’e sira bele estuda ho livrus foun ne’e.
“Ami halo tiha ona konferensia da impresa iha ami nia escola Ministerio Educasaun la fo resposta ba ami nia ejizensia tan ne’e mak ami hato’o ami nia ejizensia ba Parlamentu komisaun F atu hare kestaun ne’e ,” dehan Estudante da Costa.
Tanba ida ne’e sei fo impact ba estudante sira husi terseiru ano nia iha ezame nasional nian tanba livrus laiha.