- Publika iha: 15 Março 2012
Tuir Vise Prezidente Komisaun F Parlamentar, ne’ebe trata asuntu Edukasaun no Saude, Deputadu Francisco Jeronimo katak labele troka menu merenda eskolar nian ho arbiru sein halo pesquiza ruma ho parte nutrisaun nian.“Hau hanoin atu muda menu ne’e bele muda maibe tenki iha kadar nutrisaun ne’ebe diak ,” hateten Vise Prezidente Jeronimo, semana kotuk (20/02) iha Uma Fukun Parlamentu Nasional Dili.
Tuir nia, programa merenda escolar hanesan fas parte ida atu fo nutrisaun diak ba labarik sira tanba tuir pesquiza ne’ebe iha katak iha labarik barak mak hetan malnutrisaun.
NIa hatutan, pratikemente merenda escolar agora iha escola sira paradu, escola balun sei la’o tanba sira sei iha aihan restu hanesan fos ne’ebe mak iha atu sira han.
Entertantu hatan ba kestaun ne’e Diretor Nasional Accão Sosial Escolar Ministeriu Edukasaun (DNASE-ME), Carlito Mota, hateten oras ne’e dadauun programa merenda eskolar paradu iha eskola hotu tanba fos hotu.