Sexta, Junho 14, 2024
Total visitors: 766366

Sekretária Estadu Protesaun Sivil (SEPS), Domingos Mariano Reis hateten enkontru halao ho Diretór Interino Mission USAID, Mark Anthony White atu haklean koperasaun, liu-liu fortalese kapasidade no abiliade Autoridade Protesaun Sivil (APC) hodi responde ba kalamidade ne’ebé akontese agora no futuru.

Sekretária Estadu Protesaun Sivil (SEPS), Domingos Mariano Reis hateten enkontru halao ho Diretór Interino Mission USAID, Mark Anthony White atu haklean koperasaun, liu-liu fortalese kapasidade no abiliade Autoridade Protesaun Sivil (APC).

Nia dehan Estadu Unidu Amerika (EUA) liu husi USAID apoia ona governu intermus kapasitasaun ba rekursu umanu no asistensia teknika seluk hodi prepara institusaun ne’e responde pakote emergensia no koperasaun ba vitima sira.

“Ita hare Embaixada Amerika iha komitmentu bo’ot atu apoia Timor-Leste kuandu bainhira deklara kalamidade ka dezastre ne’ebé akontese iha teritorio,”

“Sira iha komitmentu apoia orsamentu ho montante 1.2 milloens ba IOM atu suporta Autoridade Protesaun Sivil no sira mos sei apoia tan $500,000 dolar amerika ba kapasitasaun rekursu umanu intermus formasaun no ajuda aihan bainhira mosu dezastre,” nia hateten hafoin halo enkontru ho Diretór Internu Misaun USAID iha edifisiu Matadoru, Dili.

Nia hateten orienta ona diretór sira distribui pakote emergensia minimu 200 to’o 500 ba kada munisípiu atu apoia vitima sira, bainhira akontese dezastre hodi hein apoia rekuperasaun nian.

Nia hatutan pakote emergensia ne’e iha aihan hanesan foos, supermi, mina, susuben, masin midar, kafe uut no laos aihan mak sasan dapur nian hanesan terpal, bikan, kanuru, sana no tasu.

Nia haktuir sira mos prepara ona fatin evakuasaun provizoriu rua, ida iha Lahane ne’ebé rehabilita husi International Organization for Migration (IOM) no ida seluk sentru Covid-19 iha tasi tolu atu bele halo evakuasaun ba vitima sira bainhira mosu dezastre bo’ot.

Iha parte seluk, Diretór Interinu Misaun USAID iha Timor-Leste, Mark Anthony White hateten sira iha atividade oioin tanba ne’e enkontru ne’e importante atu bele haklean kolaborasaun ba preparasaun responde ba dezastre naturais.

“USAID suporta ona tinan barak, foin lalais ne’e $900,000 ba preparasaun, liu-liu kapasitasaun no ami mos apoio $1.2 milloens ba IOM servisu direita ho governu tanba ne’e ami sei suporta liu husi IOM no US Rotary iha futuru,” nia hateten.

Nia hateten orsamentu sira ne’e alokasaun husi governu Estadu Unidus Amerika (EUA) nudar sira nia komitmentu atu apoia governu nia politika prevensaun no responde ba dezastre naturais.