- Publika iha: 13 Junho 2013
Alumni Australian Development Awards kria no lansa ona sira nia asosiasaun ida hanaran Timor-Leste Australian Development Awards Alumni Asociation iha dia 12 Marsu 2013 no sai asosiasaun formal ida iha Timor-Leste.
Prezidente Timor-Leste Australian Development Awards Alumni Asociation (TLADAAA), Carmeneza da Costa dehan,objetivu husi asosiasaun ida ne’e mak atu fasilita fatin ba antigu alunus iha Australia hodi halo debate no analiza kona ba programa dezenvolvimentu iha Timor-Leste.
Nia dehan, Asosiasaun TLADAAA finansia husi ajensia dezenvolvementu Ausaid.
“Ausaid sei finansia $20 mil kada tinan atu hala’o aktvidade,” informa Prezidente TLADAAA, Carmeneza da Costa, foin lalais, iha, Dili.
Asosiasaun ne’e iha estudante hamutuk 288 e sira desloka ona ba estuda iha Universidade Australia, e agora dadauk ema nain 164 mak fila ona mai Timor-Leste, dehan Prezidente TLADAAA ne’e.
Nia hatutan, estudantes hirak ne’e hasai estudu balun iha area politika, engenaria no balun mos hasai iha area bisnis nian.
Kona ba orsamentu $20 mil kada tinan ne’e, nia esklarese katak,fo kursu lian Inglesh ba labarik sira husi Eskola Sekundariu, hakerek news letter ,debate sentifiku rekursus humanus iha Timor inklui mos fo bolsu estudu ba Timor oan ba estuda iha rai liur.
“Karik governu falta rekursu humanus, sir abele kontaktu ami nune’e sir abele hatene rekursu humanus iha asosiasaun ida ne’e nia laran,” katak Prezidente TLADAAA.
Entretantu Sekretariu Estadu Politika Formasaun Profesional no Empregu (SEPFOPE), Ilidio Ximenes da Costa katak, prezensa TLADAA iha Timor importante tebes, nune’e bele ajuda governu iha area rekursu humanus.
“Iha asosiasaun ida ne’e kuaze ema matenek nain sira iha hotu, maibe tenke iha asaun, labele sein asaun,” katak SE da Costa.
Tanba ne’e Sekretariu Estadu husu ba membrus asosiaun ne’e tenke iha hanoin ba oin hodi fo kontribuisaun ba nasaun ne’e.
“Ohin hau konvida sira karik sira iha tempu sira mos bele ba iha SEPFOPE para ami bele koalia iha area balun bele mos pasa ba sira par abele kopera hamutuk ho sira,” dehan SE da Costa.
Iha fatin hanesan, Adjunto Xefe Misaun Embaixada Australia iha Timor-Leste, Toby Lendon katak, lansaTLADAAA sai hanesan asosiasaun ida nune’e bele kontribui ba dezenvolvimentu Timor-Leste nian.
“Estudantes alumni iha esperansa bo’ot ba Timor-leste, suporta husi Governu Australia hodi hasae kapasitasaun ba dezenvolvimentu rekursu humanus ninian” dehan Adjuntu Xefe Lendon.