Tuir komunidade lao ain sira iha Caitapl Dili senti katak lampu tranzitu nebe horas ne’e dadauk la funsiona ho diak ninia impaktu bo’ot liu ba komunidade sira lao ain atu hakat ba estrada sorin tanba kareta la para movimenta.
Ema ne’ebe nia moris afetadu hosi virus no moras HIV/SIDA iha direitu tomak atu moris livre hanesan sidadaun bain-bain Timor-Leste hanesan halao aktividade moris nian, hetan tratementu saude ne’ebe diak ba sira nia vida moris, ba edukasaun tanba ema moris mai iha ona direitus hanesan.
Governu Timor-Leste liu hosi Sekretaria Estadu Formasaun Professional no Emprego (SEFOPE) no Governu Australia liu hosi Embaixada Australia iha Timor-Leste, assina Nota Entendimentu atu bele hahu programa haruka trabalhadores Timorona ba servisu iha Australia.
Ospital Referral Distritu Oe-cusse durante semana rua nia laran fo asistensia saude ba pasiente uza lilin tanba ospital laiha gazolina atu fo naroman ba ospital ne’e.
“Foin dadaun hau simu mensagen ida ne’ebe hau fahe ba membru governu no Parlamentu katak ita nia Ospital Referral Oe-cuse semana rua laiha gasoline. Doutor no infermeiru sira tenke servisu ho lilin. Ne’e failansu bo’ot ida,” hateten Prezidente ba Republica Ramos Horta foin lalais iha Palasio Prezidensial iha Aitara Laran, Dili.