Atu prosesu eleisaun jeral ne’ebe sei halao iha 2012 bele la’o ho diak no seguru, Polisia Nasional timor-leste (PNTL) no Polisia Nasoens Unidas (UNPOL)  sei halo treinamentu hamutuk hodi prepara ba eleisaun tinan oin.

“ Membru PNTL na’in 29 hamutuk ho membru UNPOL na’in 22  sei partisipa iha treinamentu konjunta ida ne’e hodi prepara an ba eleisaun  2012 nian,” informa Komandante   Jeral PNTL, Komisariu Longinhos Monteiro, semana kotuk iha Kaikoli, Dili.

Leia mais...

Durante tama iha tinan foun 2011, Tribunal Rekursu (TR) konsege rejistu ona kazu hamutuk 63 kompostu husi kazu krimi ordinariu iha 55 kazus no kazu sivil iha 8 kazus.
“Kazu hirak ne’e balun halo ona julgamentu e balun seidauk. Iha ne’e ami la halo julgamentu maibe halo deit diskusaun kona-ba kazu sira ne’e entre juis nain 3 deit sei la bolu tan ema seluk,” hateten Ofisial Justisa TR, Jose Manuel Simoes, semana kotuk iha Kaikoli, Dili.

Leia mais...

Membru sira husi Polísia Nasionál Timor-Leste (PNTL) no Polísia Nasoins Unidas (UNPOL) simu tiha ona billete hirak-ne’e atu uza hanesan referénsia imediata ida kona-ba direitu legál sira sidadaun nian.

28 Jullu 2011, Dili – Billete ne’ebé hakerek kona-ba direitu sira sidadaun no akuzadu sira nian, hanesan hatuur ona iha Kódigu Prosesu Kriminál Timor-Leste nian, fahe tiha ona ba membru sira hotu-hotu PNTL no UNPOL nian iha Distritu Dili iha loron Kuarta Feira.

Leia mais...

Maske Timor-leste iha ona juiza barak maibe balun mak hala’o knar hanesan juiza iha Tribunale barak liu mak hala’o servisu seluk iha Organizasaun Non Governmentais seluk tanba ne’e numeru juiza kontinua menus.
“Hau hare jurista timor oan feto barak mak iha ne’e maibe sira gosta liu ba servisu iha ONG sira hanesan JSMP, Fokupers, Fundasaun Alola no iha fatin sira ne’ebe mak involve iha servisu feto, ne’e ida- idak nia vontade karik sira seidauk hakarak atu tuir formasun para atu tama sai hanesan Juiz,” preokupa Procuradoria, Ivonia Guterres, semana kotuk iha Ministeriu Publiku, Colmera, Dili.

Leia mais...

Kilat illegal ne’ebe durante ne’e diskunfia espalla iha komunidade sira nia le’et no sai preokupasaun iha publiku, tuir fonts konfirmadu husi Komando Polisia Distrital Dili, katak informasaun ne’e hanesan rumores deit.

“Ami halo ona operasaun  e laiha kilat illegal, so ke ita nia komunidade konfundi  sala ho motor lian kanun resin ne’ebe komunidade sira hanoin katak ne’e kilat nia lian,lolos kilat illegal laiha,”informa fonts konfirmadu ne’e, semana kotuk iha Komando Polisia Distrital Dili, Kaikoli,Dili.

Maske nune’e, nia parte kontinua halo operasaun ba iha komunidade sira hodi hatene lolos kona-ba rumoris sira ne’e.

Leia mais...

Relasiona ho airin lampu tranzitu nian ida iha edifisiu Ministeriu Publiku (MP) nia oin lakon, Diresaun Nasionál Transporte e Terestres (DNTT) husu ba kompania Montana Diak atu responsabiliza.
“Kompania Montana Diak tenke responsabiliza ba airin ne’ebé lakon ne’e tanba iha fulan kotuk sira mak halo rehabilitasaun estrada no hadia dreinajen iha ne’eba e halo fiu konslet aat hotu a agora airin lampu tranzitu nia lakon tan,” hateten Staf Senior Trafic Light DNTT, Joao Eugenio C.da Silva semana kotuk iha Balide,Dili.

Leia mais...