Quarta, Fevereiro 19, 2025

Durante fulan Novembru Polísia Tránzitu rejistu kazu asidente tráfiku hamutuk 182 no ema na'in-hitu (7) mak lakon vida iha territóriu laran.

Durante fulan Novembru Polísia Tránzitu rejistu kazu asidente tráfiku hamutuk 182 no ema na'in-hitu (7) mak lakon vida iha territóriu laran.

Komandante Tránzitu Seguransa Rodaviariu Nasionál Superintendente Asistente, Luis da Costa, hatete, Polísia Nasionál Timor-Leste liu-liu tránzitu Seguransa Rodaviariu Nasionál iha fulan Novembru ne'e rejista kazu hamutuk atus-ida-walu-nolu-resin-rua (182) ne'ebé akontese iha teritóriu laran.

"Durante fulan Novembru ne'e ita rejistu kazu asidente tráfiku hamutuk (182) husi ne'e iha ema na'in 7 mak lakon vida, kanek todan ema nain tolu-nolu-resin-rua (32) no kman hamutuk atus-ida-hat-nolu-resin-tolu (143).

Asidente sira ne'ebé akonstese ne'e, tanba lanu mak kondus karreta no motorizada, nune'e mós husi kondisaun transporte," nia saliente.

Nia dehan, husi kazu hirak ne'e submete ona ba prosesu no ida mak hetan ona finalidade iha tribunál no balun sei iha prosesu nian laran, iha kazu 95 mak rezolve anivel infrator sira.

“Iha fulan Novembru nia laran ne'e tránzitu kontribui reseitas ba kofre estadu hamutuk $60.400,29, reseitas hirak ne'e rekoilla husi infratores sira," Komandante Seguransa Rodaviáriu Nasionál Superintendente Asistente informa.

Nia hatutan husi reseitas hirak ne'e nafatin Komandu Munisípiu Díli mak okupa 1 lugar tuir fali mak Komandu PNTL Munisípiu Bobonaro, tuir fali mak Diresaun Transitu Nasional no tuir fali mak Komandu PNTL Munisípiu Aileu," nia informa.

Entretantu Komunidade Maria Gonzaga dehan, asidente tráfiku sira ne’ebé akontese iha dalan públiku, tanba konsiénsia bainhira lori karreta ka motorizada iha dalan públiku ne'e lakontrola balun nomós balun seidauk hatene kona-ba sinais sira.

"Ita haree foin lalais akontese ne'e iha motorista balun ne’ebé mak soke ema la'o ain bainhira atravesa zebra cross iha area Timor-Plaza nian," nia dehan.

Nia husu mós ba kondutor no motorista sira bainhira halo movimentu iha estrada públiku tenke respeita mós ema la'o ain sira-nia diréitu asesu ba estrada públiku.