Quarta, Fevereiro 19, 2025

Membru Falintil Forsa Defesa Timor-Leste (F-FDTL) ne’ebé atu tuir kursu Estadu Maiór tenke hatene lian Inglés, tanba ne'e Komandu F-FDTL koopera ho Governu Austrália no Portugal hodi apoiu kapasitasaun ba membru sira.

Komadante Forsa Apoiu Jerál (FAJ), Coronel Celestino Pinto "Daeleba" Falintil Forsa Defesa Timor-Leste (F-FDTL) hola parte iha servisu multilateral no nasaun Amerika Australia no Japaun inklui Malásia.

Komadante Forsa Apoiu Jerál (FAJ), Coronel Celestino Pinto "Daeleba" Falintil Forsa Defesa Timor-Leste (F-FDTL) hola parte iha servisu multilateral no nasaun Amerika Australia no Japaun inklui Malásia, tanba membru sira tenke hatene lian Inglés mak bele tuir kursu Xefe Estadu Maiór.

"Membru F-FDTL ne'ebé atu tuir kursu Xefe Estadu Maiór obrigatoriamente tenke hatene lian Inglés, se la hatene sei la tuir," Coronel Daeleba dehan iha Metinaro.

Nia dehan, Komandu F-FDTL halo kooperasaun ho Governu Australia hodi bele apoiu kapasitasaun membru sira kona-ba lian Inglés, alende ne’e membru sira mós partisipa mós formasaun kona-ba lian Portugés.

"Ita tenke aprende lian Inglés bainhira ita ba nasaun ne’ebé ita iha kooperasaun ho multilateral nomós ita ba servisu iha nasaun estranjeiru tenke hatene lian Inglés no Portugés no la'ós ida-ne’e de’it, maibé atu kursu Xefe Estadu Maiór nian ita tenke hatene lian Inglés," informa.

Nia dehan, iha kursu akademia no kapasitasaun tenke hatene lian Inglés mak ba Australia no Amérika inklui fatin sira seluk ne’ebé atu determina militar ida nian no akademia nian.

Aleinde, prepara ba kursu Xefe Estadu Maiór, nune'e mós prepara membru sira atu ba sai observadór iha apoiu manutensaun paz nian.

Entretantu Defence Cooperation Education Officer (DCEO) Maijór Andrew Flangana dehan, durante sira apoiu kapasitasaun ba membru Falintil Forsa Defesa Timor-Leste (F-FDTL) hodi ba tuir kursu Xefe Estadu Maiór.

"Ha'u kongratula ba imi hotu nia atitude no susesu, aprendizajen hanesan previlejiu boot ida no investimentu ba futuru Timor-Leste nian liu-liu iha área militár, nune’e sira mós bele ba partisipa misaun manutensaun apoiu paz ne'e militár sira iha dezempeñu di'ak," nia dehan.

Nia dehan, Austrália prontu nafatin apoiu kapasitasaun lian Inglés ba militár sira bainhira presiza.