PNTL Partrimóniu Estadu Prosesu Motorizada 222 Ba Leilaun

Polísia Nasionál Timor-Leste (PNTL) liuhusi Komandu Polísia Munisípiu Díli ho Diresaun Partrimóniu Estadu halo ona prosesu leilaun ba motorizadaizada hamutuk duzentos vinte dois (222).

Komandante Polísia Komandu Munisípiu Díli Superintendente Asistente João Sancho dos Pires dehan, motorizadaizada sira-ne'e Polísia Tranzitu prende hahú kedas iha tinan 2022, liuhusi atividade check point iha área Juridiku Munisípiu Díli hein hela nain ba motorizada sira-ne'e atu mai kumpri selu koimas ba kofre estadu, maibé liu ona loron 90 no balun to'o ona tinan rua nain lafoti.

Nia hatete, motorizada hirak ne'e alende prende liuhusi prosesu cek poin, iha kapital Díli, balun mós mai husi munisípiu sira seluk, inkliu motorizada ilegal sira ne’ebé ema hatama husi nasaun viziñu Indonezia mai Timor-Leste.

"Tuir dadus motorizada ne’ebé PNTL liuhusi Komandu Polísia Munisípiu Díli ho Diresaun Partrimóniu Estadu total motorizada hamutuk 1 mil-resin mak ita prosesu ba leilaun," nia dehan.

Nia dehan, motorizada hirak ne'e leilaun ho folin manimu$ duzentos dolar ($ 200) másimu quatrusentos dolar ($400).

"Leilaun ne'e ita prosesu ona no sei realiza iha fulan novembru nia laran ne'e," Segundu Komandante Munisípiu Díli Superintendente Asistente Pires hatete.

Enkuantu nia apela ba utente sira ne'ebé utiliza motorizada, bainhira sosa husi ema seluk laiha dokumentu kompletu, nune'e halo movimentu lìvre, kuandu motorizada prende liu ona loron 90 nia laran nain la mai foti tenki a-favor ba estadu.

Iha fatin hanesan Diretór Nasionál Alinasaun Benamoveis iha Patrimoniu Estadu Sepriano do Rosario Pereira hatete, Patrimoniu Estadu simu evidensia motorizada hirak ne'e husi PNTL, tanba prende liu ona loron 90, na’in la mai foti signifika a-favor ba estadu.

"Motorizada hirak ne'e ami alista ona iha sistema hein aprova husi Ministeriu Finansas, nune'e iha tempu besik sei halo leilaun ba públiku," nia dehan.

Nia informa, motorizada sira sei halo leilaun ba públiku bazeia ba inspesaun konjunta ne'ebé PNTL ho Patrimoniu Estadu halo ona katak, presu kiik $200 no boot $400, nune'e osan sira-ne'e hatama ba kofre estadu.