Quinta, Julho 18, 2024

Ministériu Interiór (MI) liu husi Diresaun Jeral Servisu Migrasaun (DGSM), deporta fila sidadaun estranjeiru husi nasaun viziñu Indonézia hamutuk na’in-sanulu resin rua (12) ba nasaun orijen, tanba viola Lei Migrasaun no Aziliu.

Diretora Servisu Migrasaun (SM), Inspetora Xefe Adelaide de Rosa dehan, sidadaun estranjeiru na’in 12 refere viola lei Migrasaun no Aziliu artigu 143, kona-ba utilizasaun vistu iha territóriu nasionál.

Diretora Servisu Migrasaun (SM), Inspetora Xefe Adelaide de Rosa dehan, sidadaun estranjeiru na’in 12 refere viola lei Migrasaun no Aziliu artigu 143, kona-ba utilizasaun vistu iha territóriu nasionál.

"Sidadaun estranjeiru na’in 12 ne'e utiliza sala vistu hanesan, tama territóriu nasionál ho vistu turista, maybe hala'o fali atividade professional hanesan faan sasan eletróniku, ropa, badaen no seluk tan, iha munisípiu Covalima. Ida-ne’e kontra lei Migrasaun no Aziliu," nia dehan.

Nia dehan, sidadaun hirak ne'e identifika iha dia 3 fulan juñu ne'e, liu husi operasaun konjunta ne’ebé realiza entre Komandu Polisia Nasionál Timor-Leste (PNTL) Munisípiu Covalima, hamutuk ho Servisu Migrasaun no halo kedas auto-entrega hodi transfere mai Díli hodi loke prosesu ba sidadaun estranjeiru hirak ne'e.

Nia informa, liu husi prosesu investigasaun Diresaun Jeral Servisu Migrasaun notifika sidadaun hirak ne'e kontra ona Lei Migrasaun no Azilu tuir artigu 143, ne’ebé koalia kona-ba violasaun vistu. Nune'e Servisu Migrasaun Timor-Lesta hetan despaxu final husi Ministériu Públiku hodi halo prosesu abandonu voluntaria no entrega ba Embaxada Indonezia hodi haruka sai hosi territóriu nasionál fila fali ba nasaun orijen.

Entretantu, Deputadu Antonio Verdial dehan, Servisu Migrasaun tenke fortifika sira-nia kontrolu iha fronteira no tenke buka tuir ema hirak ne’ebé tama Timor-Leste ho vistu turístiku.

“Tuir loloos servisu migrasaun iha fronteira tenke kontrola ema sira ne’ebé mak tama Timor-Leste ho vistu turístiku sira-ne’e, atu nune’e labele akontese tan sidadaun estranjeiru servisu illegal iha rai-laran,” Deputadu Verdial dehan.

Maibé nia dehan, atu kontola movimentu tama no sai iha estrada fronteira sira ho di’ak tenke moderniza servisu kontrolu iha fronteira liu husi kompleta ekipamentu modernu hodi apoiu servisu kontrolu.

"Durante ne’e ita observa sira mós esforsu hodi kontrolu, maibe ekipamentu ne’ebé mak utiliza ladun apoiu sira-nia servisu kontrolu iha fronteira, tanba ne'e husu governu tenke moderniza," nia salienta.

Nia dehan, governu tenke moderniza servisu kontrolu iha fronteira nune’e mós fo formasaun ba pesoál servisu migrasaun sira.