Quinta, Julho 18, 2024

Timor-Leste Police DevelopmentProgram (TLPDP) durante ne’e fasilita ona femenina Polísia Nasional Timor-Leste (PNTL) na’in 20 hodi tuir formasaun kona-ba lideransa iha Darwi, Australia.

Komandante TLPDP, Darren Booy dehan, TLPDP durante ne’e parseru di’ak ho PNTL kona-ba promove igualdade jéneru nune’e mós apoiu kapasitasaun ba membru PNTL sira no apoiu Timor-Leste nia seguransa interna.

Komandante TLPDP, Darren Booy dehan, TLPDP durante ne’e parseru di’ak ho PNTL kona-ba promove igualdade jéneru nune’e mós apoiu kapasitasaun ba membru PNTL sira no apoiu Timor-Leste nia seguransa interna.

“Durante ne’e liga ba asuntu igualdade jéneru nian, ita apoiu ona femenina PNTL na’in 20 hodi tuir formasaun lideransa iha Australia hodi bele dezenvolve sira-nia kapasidade hodi bele sai lideransa feto ne’ebé di’ak iha polísia,” nia dehan.

Nia dehan, la’ós de’it apoiu ba formasaun iha Australia, maibé fasilita ba femenina polísia na’in 4 tuir formasaun kona-ba majór iha Indonézia.

“Femenina polísia ne’ebé durante ne’e ita apoiu hodi partisipa iha formasaun lideransa, sira-ne’e fila mai iha na’in 4 lidera esquadra no balun sai xefia iha kargu importante iha Komandu Jerál,” nia dehan.

Alende ne’e nia dehan, dadaun ne’e TLPDP mós oferese hela formasaun lideransa ba feto polísia na’in 60 husi munisípiu tolu inklui Baucau, Bobonaro no Covalima, hodi promove abilidade iha língua Ingleza no aprezentasaun públiku atu bele mellora servisu polisiamentu iha komunidade.

Nia dehan, ba oin TLPDP nafatin apoiu polísia feto atu bele partisipa iha kareira polisiamentu iha internasionál.

Iha fatin hanesan, Komandante Igualdade Jéneru, Superientendente Julia da Gama dehan, durante ne’e TLPDP apoiu ba PNTL ne’e barak tebes kona-ba rekursu humanus nune’e mos ekipamentu sira.

“Durante ne’e sira mós luta makas hodi promove feto lidera instituisaun, liuhusi apoiu formasaun iha rai-laran nune’e mós railiur,” nia dehan.

Tanba ne’e nia dehan, nafatin husu apoiu TLPDP nian nune’e bele apoiu feto polísia hodi partisipa iha formasaun sira hodi prepara ba apoiu misaun paz sira ne’ebé sei mai iha futuru atu nune’e bele mós bele partisipa.