Quinta, Julho 18, 2024

Durante fulan sia (9), hahú husi Janeiru to'o Setembru 2023 Polísia Nasional Timor-Leste (PNTL) liuhusi Departamentu Tránzitu Seguransa Rodoviáriu (DTSRN), aplika multa ba karreta estadu 276 ne’ebé kontra orden autoridade no la iha karta autorizasaun.

Komandante DTSRN, Superientendente Asistente Luis da Costa dehan karreta estadu refere polísia prende liuhusi atividade sweaping ne’ebé tránzitu hala'o iha fin-de-semana.

Komandante DTSRN, Superientendente Asistente Luis da Costa dehan karreta estadu refere polísia prende liuhusi atividade sweaping ne’ebé tránzitu hala'o iha fin-de-semana.

"Atividade sweaping ne’ebé ita hala'o durante ne'e ita prende no aplika multa ba karreta estadu hamutuk 276, tanba kontra orden autoridade no la iha karta autorizasaun," nia dehan.

Nia dehan, karreta hirak ne'e identifika husi Ministerius Edukasaun, Saúde, Solidaridade Sosial, Ministériu Orbas Públika, Sames, Justisa, Transporte no Komunikasaun, Sekretária Estadu Kooperativa, Centro Nacional Chega (CNC), Joventude no Desportu, no Ministériu Públiku.

"Karreta estadu hirak ne'e ita aplika multa ho estandarte másimu de’it hahú husi $45 ba leten tuir tabela infrasaun ne’ebé hakerek iha lei kódigu estarda," Komandante Costa dehan.

Nia dehan, koima ne’ebé infrator sira kumpri selu ona iha banku osan ho valor $15.220, depois ida seidauk selu koima evidensia kontinua asegura iha PNTL nia fatin.

Iha parte seluk Deputadu José Agostinho Siquera Somotxo dehan, atividade check point ba karreta estadu sira-ne'e importante atu nune'e sira labele utiliza patrimoniu estadu tuir sira-nia hakarak.

"Utilizasaun karreta estadu ne'e tenke tuir nia despaxu sirkulasaun katak karreta estadu ne'e uza iha fim de semana ne'e tenke iha karta autorizasaun, bainhira la iha karta ne'e tenke halo intervensaun no prende hodi aplika multa," nia dehan.

Tanba ne'e husu Polísia Tránzitu tenke intensifika operasaun check point ba movimentu karreta estadu iha fin de semana nune'e bele kontrolu utiliza karreta estadu ba asuntu privadu.