Quinta, Dezembro 08, 2022
Total visitors: 692025

Falintil Forsa Defesa Timor-Leste (F-FDTL) liuhusi Unidade Polísia Militar (PM) koloka membru foun hamutuk na’in 37 ba postu Manduki no Baucau hodi garante seguransa ba komunidade iha área sira refere.

Falintil Forsa Defesa Timor-Leste (F-FDTL) liuhusi Unidade Polísia Militar (PM) koloka membru foun hamutuk na’in 37 ba postu Manduki no Baucau hodi garante seguransa ba komunidade iha área sira refere.

Komandante PM, Maijór Abel da Costa Xavier “Niki”, dehan ofisialmente soldadu na’in 37 ne’e sai ona membru Polísia Militar no servisu hotu ne’ebé mak sira halo tenke la’o tuir orden ne’ebé mak instituisaun iha.

“Ita-nia membru foun 37 ne’e ita koloka ba postu rua hanesan, postu Manduki ne’ebé mak iha maibé durante ne’e seidauk funsiona nune’e mós postu Baucau. Ita tau sira iha ne’ebé hala’o servisu hodi servi povu no nasaun ida ne’e,” Maijor Niki dehan iha Kuartel Polísia Militar Kintal Bo’ot.

Nia dehan, PM nia servisu diferente tebes ho unidade no komponenten sira seluk iha iha instituisaun F-FDTL, tanba sira destaka iha postu hodi garante seguransa sira mós kontrola disiplina ba membru militar sira husi unidade no komponente seluk.

“Ita husu ba memebru foun na’in 37 ne’e tenke halo servisu tuir orden no obdese ba instituisaun labele inkliu iha grupu saida de’it ne’ebé mak instituisaun la autoriza,” nia hatete.

Tanba ne’e, nia haktuir, membru sira tenke servisu besik ba iha komunidade, nune’e mós labele haluhan knaar ida atu kontrola disiplina membru F-FDTL sira ni’an iha terenu nune’e mós iha kuartel.

Enkuantu membru foun Polísia Militar hamutuk na’in37 ne’e kompostu husi feto na’in-lima (5) no mane 32.

Iha fatin hanesan, Reprezentante F-FDTL, Coronel Jose da Costa “Trix” iha nia diskursu husu ba membru Polísia Militar foun ne’ebé mak koloka ba postu sira atu kria pás, unidade no leal ba instiruisaun F-FDTL.

“Ha’u husu imi liu-liu presiza imi-nia hamutuk husi komandu to’o soldadu tenke obdese ba irarkia komandu nian,” Coronel Trix dehan.