Quinta, Dezembro 08, 2022
Total visitors: 692025

Organizasaun Naun Governamental (ONG) Fundasaun Mahein (FM) husu polísia tenke kriminaliza sidadaun sira ne’ebé mak to’o agora sei utiliza ka rai subar kilat-manu iha uma tanba ne’e kontra lei arma-branka númeru 5/2017.

Diretór Ezekutivu Fundasaun Mahein (FM), Abel Amaral, dehan iha lei númeru 5/2017 bandu komunidade atu asegura kilat-manu iha poir liu mak utiliza ne’e lai la fó dalan.

Diretór Ezekutivu Fundasaun Mahein (FM), Abel Amaral, dehan iha lei númeru 5/2017 bandu komunidade atu asegura kilat-manu iha poir liu mak utiliza ne’e lai la fó dalan.

“Ita husu polísia tenke buka tuir hodi kriminaliza sidadaun sira ne’ebé mak kuntinua subar kilat-manu iha uma, nune’e mós utiliza hodi kasa ne’e tenke prosesu tuir dalan legál,” Diretór FM Amaral dehan.

Nia dehan, sidadaun sira ne’ebé mak asegura kilat-manu iha uma ne’e perigu tebes ba ema nia vida, liu-liu labaraik sira tanba kazu barak mak akontese ona katak labarik sira utiliza kilat-manu hodi tiru malu balun konsege hetan kanek.

“Ita husu sasan ne’ebé mak proividu polísia tenke tau matan hodi rekolla hikas kilat-manu sira ne’e,” nia salienta.

Nia dehan, ema hotu ne’ebé mak polísia identifika katak utiliza kilat-manu polísia tenke prosesu hodi kriminaliza tuir lei númeru 5/2017 lei arma-branka ne’ebé mak vigóra ona iha Timor.

“Ita husu polísia tenke implementa lei ne’e ho sériu nune’e sidadaun ne’ebé mak sei subar kilat-manu mós bele tauk nune’e sira bele lori mai entrega direta ba komandu polísia ne’ebé besik,” Diretór Fundasaun Mahein Amaral dehan.

Tanba ne’e nia dehan, autoridade seguransa tenke kontola másimu sidadaun sira ne’ebé mak utiliza kilat-manu polísia tenke rekolla hotu kada munisípiu.

Entretantu Portavós PNTL, Superientendente Moizes Ximenes, dehan utiliza klat-manu ne’e vigór iha lei númeru 05/2017 no polísia hanesan orgaun implementadór lei antes ne’e halo ona sosializasaun nune’e mós implementa kedas hodi kriminaliza sidadaun utiliza kilat-manu.

“Maibé ita haree ita-nia sidadaun sira kuntinua subar kilat-manu hodi utiliza fali ba kasa animal,” nia informa.

Enkuantu nia dehan, antes ne’e komandu jerál PNTL hasai ona avizu ba komandu PNTL munisípiu sira hotu atu halo rejistu ba sidadaun sira ne’ebé kontinua uza kilat-manu iha área rurál tenke ho voluntáriu tenke entrega.

“Ita iha ona medida balun komandu PNTL munisípiu halo mak hahú rejista sidadaun sira ne’ebé utiliza kilat-manu no balun entrega ona balun kontinua subar,” Poravóz PNTL Superientendente Ximenes dehan.

Tanba ne’e nia dehan, sidadaun ne’ebé mak la kontribui atu entrega komandu sei ho obrigatóriu deit rekolla husi sidadaun bazei ba dekretu lei númeru 5/2017 kona-ba arma-branka.