Quinta, Dezembro 08, 2022
Total visitors: 692025

Komandu Polísia Nasional Timor-Leste (PNTL) delega Superintendente Xefi Polísia Armando Monteiro assume kargu Adidu Seguransa Timor-Leste nian iha Indonézia durante tinan tolu (3) nian laran.

Komandante Jerál PNTL, Komisáriu Faustino da Costa, dehan knaar foun ne’ebé fó ba Superientendente Xefe Monterio nudar reprezentante instituisaun PNTL no nasaun Timor-Leste nian iha nasaun viziñu Indonézia.

Komandante Jerál PNTL, Komisáriu Faustino da Costa, dehan knaar foun ne’ebé fó ba Superientendente Xefe Monterio nudar reprezentante instituisaun PNTL no nasaun Timor-Leste nian iha nasaun viziñu Indonézia.

“Ha’u husu tenke servisu ho responsabilidade tanba reprezenta nasaun Timor-Leste no Instituisaun Polísia Nasional Timor-Leste. Ha’u fiar katak bainhira mandatu hotu fila mai bele halo buat ruma ba PNTL,” Komandante PNTL Komisáriu Costa dehan.

Nia dehan, Superientedente Xefe Monterio ba troka fali adidu seguransa Komisáriu Julio Hornai tanba nia mandatu rematan ona kuaze fulan tolu no fila ona mai Timor-Leste.

Enkuantu nia dehan, antes ne’e Superientendente Xefe Armando Monterio assume kargu portavóz PNTL iha Komandu Jerál, tanba ne’e komandu mos fihir ona figura ida hodi bele substitui nia pozisaun hanesan portavóz.

Iha fatin hanesan, Superintendente Xefe Monteiro hateten, durante tinan 3 hanesan adidu sei reprezenta estadu ho Instituisaun PNTL sei kumpri misaun diplomata hanesan seguransa iha Indonézia, iha Jakarta.

“Misaun importante ne’ebé ha’u hala’o mak halo kopperasaun polisiál, oinsá atu halo dezenvolvimentu kapasitasaun Instituisaun PNTL ne’ebé halo ona ho POLRI iha tinan barak nia laran,” nia infroma iha Komandu Jeral PNTL Kaikoli.

Nia dehan, programa barak mak sei realiza, tanba ne’e ba oin sei kontinua tenta no halo esforsu atu fó oportunidade nafatin ba Instituisaun PNTL.

“Prioridade ba tinan tolu nian mak ha’u sei halo prevensaun no kombate krime organizadu ne’ebé mosu, no sai mós preokupasaun bo’ot iha media ho sosiedade tomak, inklui ita-nia nai ulun sira. Nune’e mós Timoroan barak mak oras ne’e hela iha Indonézia, maibé parte autoridade seguransa hanesan PNTL rasik mós seidauk bele hatene dadus loloos,” nia salienta.