- Publika iha: 20 Março 2022
Polisia Nasional Timor-Leste (PNTL) halo aprensaun ba motorizada hamutuk 112 husi apoiantes no simpatizante sira durante kampanha eleitoral ne’ene halao halao foin lais iha kapital Dili laran.
Segundo Kandante Polisia Munisipio Dili, Superientendente Asistente Joao Sancho Pires hateten motorizada 112 ne'ebe polisia prende ne'e tanba viola lei kodigo estrada hodi partisipa iha kampanha.
"Motorizada 112 ne'e viola lei kodigo estrada hanesan, la uza sapa matrikula, espelhu la iha, falta helem, nune'e mos la kompleta dokumento sira," Segundo Komandante Dili Superientendente Asistente Pires hateten.
Nia dehan, motor hirak ne'ebe polisia prende ne'e asegura hela iha komando PNTL Dili no aplika multa infrasaun ba infrator sira nune'e bele ba selu iha banku nune'e bele foti fali sira nia motor, selai la autoriza foti.
"Ita husu atu infrator sira tenke ba selu iha banku no lori kuitansi aprezenta iha komando munisipio Dili nune'e bele foti fali motor," nia hateten.
Entretanto, Diretor Ezekutivo Fundasaun Mahein (FM), Sancho Xavier, hateten durante prosesu kampanha eleitoral ne'e militante no apoiantes sira kria problema ne'e liu husi komboiu ne'ebe sira halo iha dalan publiku hodi sadik malu.
"Ita hare komboiu ne'ebe durante ne'e realiza ema barak mak la uza helem, no la kompleta asesores transporte nian, no motoridaza ida bele tula ema nai tolu, ne kontra lei kogido estrada numero 6/2003. Ne'e krime," Diretor FM Xavier dehan.
Tanba ne'e nia haktuir katak polisia tenke foti medida ne'ebe rigorozu hodi fo ba motorista sira ne'ebe mak viola lei kodigo estrada durante kampanha eleitoral.
Alende ne'e husu mos ba polisia nafatin halo vizilansia diak ba komunidade hotu ho diak atu bele partisipa iha kampanha eleitoral to'o eleisaun ho diak no iha dame nia laran.