Quarta, Janeiro 19, 2022
Total visitors: 600398

Mnisterio Defesa (MD) aloka ona orsamento ho montante 2 milhoens hodi halo manutensaun ba ro rua Komponente Naval nian ne’ebe mak avaria durante tinan 7 nian laran.

Diretor Geral MD, Nuno Carvalho, hateten ro rua ne’ebe mak governo tau osan hodi halo manutensaun ne’e sosa husi nasaun China iha tinan 2013 no avaria iha 2015 no la halo operasaun iha tasi.

Diretor Geral MD, Nuno Carvalho, hateten ro rua ne’ebe mak governo tau osan hodi halo manutensaun ne’e sosa husi nasaun China iha tinan 2013 no avaria iha 2015 no la halo operasaun iha tasi.

“Ita tau ona osan ho montante 2 milhoens hodi halo manutensaun nune’e Komponente Naval bele utiliza hodi halo operasaun hodi asegura Tasi Timor hanesan bai-bain,” DG MD Carvalho hateten.

Nia dehan, dadaun ne’e governu loke ona tenderizasaun ba kompanhia sira nune’e kompanhia ida ne’ebe mak manan ne’e nia mak sei halo manutensaun ba ro rua ne’e.

“Iha prosesu tenderizasaun mak ita foin hatene kompanhia ida ne’ebe mak bele kaer konaba prosesu manutensaun ro naval rua ne’e,” nia hateten.

Tanba ne’e nia dehan, iha tinan ida ne’e governu bele finaliza ona manutensaun ba ro rua ne’e ho montante 2 milhoens ne’e hodi intrega fali ba forsa naval bele utilzia fali.

“Ita tenke finaliza lalais manutensaun ba ro rua ne’e, nune’e forsa naval sira bele normaliza fali operasaun iha tasi tanba durante tinan 7 nian laran sira la halo operasaun hodi asegura tasi Timor,” nia saliente.

Alende ne’e nia dehan, orsamento ba manutensaun ne’e sufsiente tanba osan ne’ebe mak aloka ne’e bazeia ba estudu ne’ebe mak iha.

Iha parte seluk, Diretor Fundasaun Mahein (FM), Sancho Xavier, hateten knar importante ne’ebe mak Komponente Naval simu ne’e mak asegura fronteira maritima no riku soin Timor nian iha tasi, tanba ne’e governu tenke investe iha naval, kria kondisaun no kompleta meios ba sira hodi halo operasaun ita tasi.

“Ita agradese tanba governo tau ona iha prioridade ba orsamento hodi halo manutensaun ba ro rua ne’ebe mak at komesa iha tinan 2015 liu ba,” FM Xavier hateten.

Tanba ne’e nia dehan, durante tinan 7 ona fronteira maritima abandona riku soin tasi nian, ema foti mos la iha intervensaun tanba prezensa Falintil Forsa Defesa Timor-Leste F-FDTL forsa maritima la iha hodi kontrola.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04