Quarta, Janeiro 19, 2022
Total visitors: 600398

Komando Polisia Nasional Timor-Leste (PNTL), aplika pena ba membru PNTL hamutuk nain 115 iha tinan 2021 nia laran tanba involve iha kazu infrasaun disiplinar.

Xefe Departamento Justisa, PNTL, Superientendente Xefe Agostinho Gomes, hateten iha tinan 2021 total membru ne’ebe mak involve iha kazu disiplinar, departamento justisa rejisto hamutuk iha 186.

Xefe Departamento Justisa, PNTL, Superientendente Xefe Agostinho Gomes, hateten iha tinan 2021 total membru ne’ebe mak involve iha kazu disiplinar, departamento justisa rejisto hamutuk iha 186.

“Kazu 186 ne’ebe rejisto ita finaliza no aplika ona multa ba memebru hamutuk 115. Iha kazu 61 mak prosesu sei kuntinua la’o hela, no kazu 10 sei pendente hela iha tribual,” Xefe Departamento Justisa Gomes hateten.

Nia dehan, husi kazu 115 ne’ebe finaliza ona ne’e mak hanesan iha kazu 36 aplika pena dixiplinar, reprensaun eskrita, iha kazu 46 aplika pena dixiplinar multa ba loron 10 to'o 30, iha kazu 17 aplika pena dixiplinar suspensaun loron 31 to'o 90 dias, iha kazu 11 aplika pena dixiplinar suspensaun hosi loron 91 até 121 dias, iha kazu 5 aplika sansaun disiplinar.

Alende ne’e nia esplika katak kazu 10 ne'ebe sei pendente iha tribunal ne’e tanba kazu dixiplinar ne'ebe komete hosi membru sira, iha indisius ba krime.

“Tanba ne'e maka, kazu 10 sei pendente hela iha Tribunal,” Xefe Gomes informa.

Enkuanto nia dehan, husi kazu 186 ne’e maioria husi komete husi membro iha Komando Jeral PNTL, tuir mak Komando Dili, Unidade Espesial Polisia (UEP), Unidade Polisia Maritima (UPM) no Komando Munisipio Baucau.

Entretanto, Diretor Fundasaun Mahein (FM) Sancho Xavier hateten, kazu sira hanesan ne’e presija fo sai ba publiku hodi hodi bele hatene konaba esforsu komando jeral nian hodi hadia disiplina membru nian.

“Esforsu ida ne’e parte pozitivo ida hodi garante norma polisial hodi dezenvolve profesionalismo membro nian hodi hala’o servisu tuir lei no ordem ne’ebe vigor iha Timor-leste,” FM Xavier hateten.

Tanba ne’e nia dehan, hahalok kriminojo ne’ebe membero sira halo ne’e viola dever regula iha disiplinar PNTL nian. Tanba ne’e memebru sira ne’e merese duni atu hetan sansaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04