Quarta, Janeiro 19, 2022
Total visitors: 600398

Komisaun B ne'ebe Trata Asuntu Defesa no Seguransa Iha Parlamentu Nasional, husu Polisia Nasional Timor-Leste (PNTL) liu-liu Unidade Patrulhamentu Fronteira (UPF) atu limite halo aprensaun ba aktividade merkadoria kiik iha linha fronteira ne'ebe mak komunidade sira komete maske ho dalan ilegal, tanba iha area fronteira nesesidade baziku halai liu ba Atambua, nune'e mos la impaktu ba economia iha Timor-Leste.

Prezidente Komisaun B, Jose Agustinho Sequera Somotxo, hateten komunidade iha fronteira ne'e necesidade baziku hodi konsumu lor-loron ne'e sira prefere liu ba nasaun vizinu.

Prezidente Komisaun B, Jose Agustinho Sequera Somotxo, hateten komunidade iha fronteira ne'e necesidade baziku hodi konsumu lor-loron ne'e sira prefere liu ba nasaun vizinu, bainhira polisia prende tiha sira nia sasan, sira atu konsumu fali saida.

"Ita hela iha fronteira ne'e maioria aktividade merkadoria ne'e sira halai lui ba Atambua tanba besik, ne'ebe karik sira sosa foos ka mina no nesesidade bazika seluk bainhira hetan ita husu labele prende," Deputadu Somotxo hateten iha Parlamentu Nasional.

Nia dehan, merkadu ilegal ne'ebe akontese iha fronteira ne'e, dalan barak ona polisia prende mak komunidade nia foos, mina, masako no buat seluk tan, bainhira prende tiha sira nia sasan sira lori saida hodi sustenta sira nia familia.

"Akvidade merkadu ilegal ne'e ladun fo inpaktu ba economia iha Timor-Leste, tanba ne'e ita husu atu kontrolu diak liu iha fronteira legal hodi bele apoiu reseitas mai kofre estadu," nia hateten.

Maibe nia dehan, maske merkadu ilegal ne'e kontra lei, hare mos ba komunidade sira nia situasaun ekonomikamente iha fronterira ne'e susar tebes tanba ne'e tenke tolera nafatin sira.

Entretantu, Komandante Jeral PNTL Komisariu Faustino da Costa, hateten servisu ne'ebe mak membru sira halo iha terenu ne'e bazeia ba implementasaun lei ne'ebe mak vigora iha Timor-Leste hodi kontrola aktividade hotu iha fronteira tanto legal no ilegal.

"Iha lei hakerek aktividade ilegal hotu iha fronteira inkliu merkadu ilegal bainhira polisia identifika tenke kaptura no asegura evidensia ne'ebe mak sira prende. Ami halao servisu tuir lei," Komisariu Costa dehan.

Tanba ne'e nia dehan, bainhira atu limite halo aprensaun ba aktividade merkadoria ilegal iha fronteira tenke kria lei ida, laos koalida deit, tanba servisu polisia nian bazeia ba lei.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04