Quarta, Janeiro 19, 2022
Total visitors: 600398

Governu reativa fila fali fronteira terestre entre Timor-Leste ho Indonesia, ne'ebe mak taka hodi halo prevensaun ba transmisaun Covid-19 iha Timor-Leste.

Vise Ministru Interior, Antonio Armindo, hateten reativa fronteira terestre ne'e bazeia ba dekretu lei numeru 26/2021 hodi autoriza hikas sidadaun nasional no internasional sira bele halo movimentu tama no sai husi fronteira terestre.

Vise Ministru Interior, Antonio Armindo, hateten reativa fronteira terestre ne'e bazeia ba dekretu lei numeru 26/2021 hodi autoriza hikas sidadaun nasional no internasional sira bele halo movimentu tama no sai husi fronteira terestre.

Nia dehan, sidadaun nasional no internasional sira ne'ebe halo movimentu husi fronteira terestre tenke hatudu dokumentu ne'ebe validu no kartaun vasina.

"Fronteira terestre ne'ebe ita reativa ne'e mak Mota- Ain, Salele no Sakato," Vise MI Armindo hateten iha Parlamentu Nasional.

Nia dehan, sidadaun nasional ne'ebe iha Indonesia hakarak fila mai Timor-Leste karik seidauk kompleta vasina governu autoriza, ba iha fronteira mak bele kompleta vasina, mak tama teritorio nasional.

Entretantu, Prezidente Komisaun B iha Parlamentu Nasional, Deputadu Jose Agustinho Somotcho hateten, fronteira terestre loke fali ona no regras nafatin la iha mudansa katak ema hotu ne'ebe halo movimentu husi nasaun ida ba nasaun seluk tenke vasina.

"Vasina ne'e importante atu nune'e bele asesu tama no sai husi postu entrada sira, tanba vasina ne'e tama ona iha regras internasional," Prezidente Komisaun B Somotcho hateten.

Alende ne'e nia dehan, pontu entrada iha fronteira terestre loke ona, polisia tenke reforsa kontrolu iha fronteira nune'e labele akontese tan movimentu ilegal.

"Ita mos husu ba Timoroan ne'ebe iha indonesia balun atu mai Timor karik dokumentu mate bele mai husi dalan legal no sei hetan atendimentu husi servisu migrasaun ne'ebe mak destaka iha fronteira," nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04