Quarta, Setembro 22, 2021

Polisia Komandu Munisipiu Dili liu husi Seksaun Tranzitu durante fulan Julhu ne'e konsegue hatama ona reseitas hamutuk $27.974 ba kofre estadu.

Komandante Tranzitu Munisipiu Dili, Inspektur Domingos Gama hateten reseitas ne'ebe mak tranzitu rekolha ne'e liu husi aktividade operasaun no cek point ba kareta no motor.

Komandante Tranzitu Munisipiu Dili, Inspektur Domingos Gama hateten reseitas ne'ebe mak tranzitu rekolha ne'e liu husi aktividade operasaun no cek point ba kareta no motor sira ne'ebe mak halo movimentu iha Dili laran la kompleta dokumentu sira.

"Liu husi aktividade operasaun no cek point ne'e ita aplika infrasaun ba infrator sira ne'e mak halo movimentu utiliza kareta no motor sem karta kondusaun, balun surat-surat la kompletu no viaturas la kompletu," nia hateten.

Nia dehan, infrator sira ne'e aplikasaun tabela infrasaun ne'e diferente tanba sira kontra infrasaun tipu la hanesan.

"Liu husi aplikasaun infrasaun ne'e Polisia Tranzitu Munisipiu Dili konsegue hatama ona reseitas hamutuk $27.974 ba kofre estadu," nia informa iha Knar fatin Kaikoli Dili.

Alende ne'e nia dehan, durante fulan Julhu Polisia Trazitu prende motor hamutuk 764.

Entretantu, Diretor Ezekutivu Fundasaun Mahein (FM), Joao Almeida hateten aktividade cek point ne'ebe mak polisia tranzitu halo iha kapital Dili ne'e kuntribui tebes ba kofre estadu.

"Tanba ne'e ita husu governu katak liu husi reseitas ne'e mak polisia hatama ba kofre estadu ne'e kada tinan ne'e montante bo'ot tebes, tanba ne'e husu atu hadia kondisaun ho kompleta fasilidade ba Polisia Nasional Timor-Leste," Diretor FM Almeida hateten.

Alende ne'e nia hatete katak FM mos aparesia tebes ba servisu ne'ebe mak durante ne'e polisia tranzitu halo iha dalan publiku tanba diak tebes.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04