Quarta, Setembro 22, 2021

Governu liu husi Ministeriu Justisa suspende aktividade vizita dadur iha prizaun Gleno tanba Munisipiu Ermera implemeta hela serka sanitaria no konfinamentu domisiliariu jeral no bandu movimentu ema hotu nian tama no sai husi munisipiu refere hodi halo prevensaun ba propagasaun virus Covid-19, liu-liu variante Delta nian.

Ministru Justisa (MJ), Manuel Cárceres da Costa hateten, dadaun ne'e aktividade vizita dadur iha prizaun sira seluk iha munisipiu Kovalima (Suai), ho kapital Dili sei bele nafatin.

Ministru Justisa (MJ), Manuel Cárceres da Costa hateten, dadaun ne'e aktividade vizita dadur iha prizaun sira seluk iha munisipiu Kovalima (Suai), ho kapital Dili sei bele nafatin, maibe orienta ona ba Diretor Prizional Glenu-Ermera katak governu bandu total atu vizita dadur sira.

"Aktividade vizita dadur iha prizaun ita suspende lai durante implemenrasaun Serka Sanitaria no Konfinamentu Obrigatoriu ne'e implementa hela iha munisipiu Ermera," Ministru Justisa Carseres hateten.

Nia dehan, autoriza deit mak amu sira vizita hodi halo misa no presija ne'ebe mak urjente tebes duni.

"Vizita dadur sira ne'e bele autoriza fali bainhira situasaun Covid ne'e normal no desizaun husi konselhu ministrus hapara Serka Sanitaria no Konfinamentu Obrigatoriu iha munisipiu Ermera," nia hateten.

Diretor Prizaun Gleno, Nito Maria dos Santos, hateten dadaun ne'e kondisaun prizoneiru sira nian diak hotu no livre husi infeksaun Covid-19.

"Maibe ita iha prizoneiro ida mak hetan pozitivu Covid-19 no oras ne'e dadaun halo ona tratamentu iha izolamentu," Diretor Prizaun Gleno dos Santos hateten.

Tanba ne'e, dadaun ne'e sira simu ona orientasaun husi MJ hodi bandu familia sira hodi labele vizita dadur sira bainhira sei implementa Serka Sanitaria no Konfinamentu Domisiliaria obrigatoriu iha munisipiu Ermera.

"Ita sei reativa fali aktividade vizita dadur sira bainhira ita simu orientasaun husi governu no tenke hare mos ba mudansa trasmisaun Covid iha Ermera," nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04