Quarta, Setembro 22, 2021

Komandu Jeral Polisia Nasional Timor-Leste (PNTL) orienta ona membru polisia husi komandu munispiu rua, Bobonaru no Covalima, hodi apoiu Unidade Patrolimentu Fronteira (UPF) hodi asegura fronteira hodi kombate movimentu ilegal sira.

Komandante Operasaun Nasional PNTL, Superintendente Xefi Pedro Belo, hateten komandu nasional orienta ona komandu munisipiu rua ne'e ba apoiu seguransa iha fronteira liu-liu ba sidadaun sira ne'ebe mak komete iha aktividade movimentu ilegal.

Komandante Operasaun Nasional PNTL, Superintendente Xefi Pedro Belo, hateten komandu nasional orienta ona komandu munisipiu rua ne'e ba apoiu seguransa iha fronteira liu-liu ba sidadaun sira ne'ebe mak komete iha aktividade movimentu ilegal.

"Membru ne'e ita orienta hodi apoiu Unidade Patrolimentu Fronteira UFP husi munisipiu rua ne'e hamutuk 78 membrus," nia dehan.

Nia dehan, membru hirak ne'e destaka hamutuk ho membru UPF iha postu fronteira hodi apoiu halo patrulha hodi kombate aktividade movimentu ilegal.

"Ita hare ikus ikus ne'e aktividade movimentu ilegal kuntinua buras iha fronteira liu-liu husi grupu arte marsiais, labele koko atu movimentu ilegal tanba polisia sei la tolera," nia informa.

Tanba ne'e nia dehan, Komandu mantein nafatin planu estratejia ne'ebe mak komandu hatun ona, hodi asegura fronteira no dadaun ne'e ekipa lubuk ida mak fo ba apoiu ba iha UPF, ne'ebe kuidadu.

"Imi atu ultrapasa ilegal liu ba Atambua mos ami nafatin komunika ho Polisia Republika Indonesia hodi buka tuir imi no haruka fila mai aplika multa no prosesu tuir lei ne'ebe vigor iha Timor," Komandante Belo informa.

Entretantu, Xefe Estadu Maior Jeral FALINTIL-Forsa Defeza Timor-Leste (F-FDTL) Jeneral Lere Anan Timur hateten, sidadaun ne'ebe mak halo aktividade movinentu ilgeal ne'e tenke aplika atuasaun ne'ebe mak rigorozu.

"Hau sei orienta hau nia Unidade Polisia Militar ne'ebe mak destaka iha fronteira hodi aplika atuasaun ne'ebe rigorozu ba sidadaun ne'ebe mak koko ultrapasa ba Atambua ilegalmente ba nia aktividade privadu no la fo benefisiu mai Timor," Jeneral Lere hateten iha knar fatin Fatuhada.

Enkuantu nia dehan, aktividade movimentu ilegal ne'e husi sidadaun Timoroan sira hodi hakat ba Atambua tenke prevene nune'e husu ba membru sira ne'ebe destaka iha fronteira tenke servisu tuir ordem no labele fasilita movimentu ilegal.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04