Quarta, Setembro 22, 2021

Komandu Jeral Polisia Nasional Timor-Leste (PNTL) liu husi enkontru konseliu seguransa deside demite ona membru nain tolu.

Komandante Jeral PNTL, Komisariu Fasutinho da Costa, hateten membru nain tolu ne'ebe mak demite ne'e tanba sira halo krimi hasoru komunidade nune'e komete kazu homesidu hasoru nian sidadaun.

Komandante Jeral PNTL, Komisariu Fasutinho da Costa, hateten membru nain tolu ne'ebe mak demite ne'e tanba sira halo krimi hasoru komunidade nune'e komete kazu homesidu hasoru nian sidadaun.

"Membru nain tolu ne'ebe ita hasai ona liu husi prosesu investigasaun ho nia rezultadu ita aplika sansaun disiplinar ba sira hodi demite husi instituisaun Polisia Nasional Timor-Leste (PNTL) Komisariu Costa dehan iha komandu jeral PNTL.

Nia dehan, membru nain tolu ne'ebe demite ona ne'e oras ne'e dadaun fila ona ba vida sivil hodi hein prosesu tuir iha tribunal.

"Prosesu hotu iha intrega ona ba ministeriu publiku no hein deit sira promove ba iha tribunal," Komisariu Faustinho informa.

Entretantu, Prezisente Komisaun B iha Parlamentu Nasional, trata Asuntu Defesa no Seguransa, Deputado Jose Agustinho Sequera Somotcho hateten, sasaun displinar ne'ebe mak Komandu Jeral PNTL foti pozitivu tebes nune'e membru sira labele halo krimi arbiru no hala'o knar iha terenu tuir ordem.

"Sansaun disiplinar ne'ebe mak komandu aplika ba membru sira, nune'e sira bele responsabilidade ba aktu krimi ne'ebe mak sira komete," Prezidente Komisaun B Somotcho hateten.

Tanba ne'e Komisaun B husu ba futuru membru ne'ebe mak komete iha kazu krimi tenke submete ba prosesu no aplika sansaun disiplinar.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04