Terça, Agosto 03, 2021

Governu liu husi Ministeriu Interior autoriza deit loke entrada sentral tolu, husi postu fronteira total 74, iha munisipiu Covalima, Batugade no Oecusse, halo movimentu tama no sai ba nasaun vizinhu Indonesia kada semana iha loron quarta hodi halo aktividade merkadoria hodi nune’e mos halo prevensaun ba virus corona delta.

Vise Ministru Ministeriu Interior (MI), Antonio Armindo, hateten intervensaun governu nian liga ba prevensaun virus delta governu foti ona deszaun katak sei la taka total fronteira.

Vise Ministru Ministeriu Interior (MI), Antonio Armindo, hateten intervensaun governu nian liga ba prevensaun virus delta governu foti ona deszaun katak sei la taka total fronteira maibe, autoriza deit fronteira sentru tolu refere.

“Ita autoriza deit fronteira sentral tolu hanesan, Batugade, Covalima no Oecusse, nune’e komunidade sira hela besik iha linha fronteira ne’e bele halo aktividade merkadoria, nune’e labele akontese tan movimentu ilegal,” Vice MI Armindo hateten.

Nia dehan, iha entrada sentral tolu ne’ebe autoriza halo movimentu ne’e destaka mos pesoal seguransa husi Unidade Patrulhamentu Fronteira (UPF) no Forsa Militar, atu bele kontrola komunidade nia movimentu.

“Iha fronteira ita labele taka totalmente, tanba se taka total maka movimentu ilegal kuntinua aumenta no ita sei la halo prevensaun ba transmisaun corona delta ne’e rasik,” nia hateten.

Tanba ne’e nia husu ba Komandu Polisia Nasional Timor-Leste (PNTL) liu-liu UPF tenke aperta metin fronteira ilegal sira no garante katak komunidade sira labele hakat ba nasaun vizinhu Indonesia husi dalan ilegal maibe tenke liu husi entrada sentral tolu ne’ebe mak autoriza.

Iha fatin hanesan, Komandate UPF, Superientendente Euclides Belo, hateten UPF simu ona ordem husi Komandu Jeral atu fortifika seguransa iha fronteira ilegal sira hahu husi Covalima Bobonaru no Oecusse hodi asegura komunidade sira labele halo movimentu ilegal hodi prevene transmisaun corona delta mai Timor-Leste.

“Ami koloka ona membru sira hodi asegura iha entrada sentral tolu ne’ebe mak governu autoriza hodi fazilita komunidade sira halo aktividade negosiu entre sidadaun nasional ne’ebe hela besik nasaun vizinhu Indonesia,” Komandante UPF Superientendente Belo hateten iha Bairupite Dili.

Nia hatene husi postu fronteira hamutuk 74 hahu husi Covalima to’o Oecusse ne’e iha postu tolu deit mak autoriza halo movimentu iha loron quarta, seluk husi postu tolu ne’e, membru husi UPF hamutuk ho Polisia Militar sei halo patrulha 24 oras hodi kontrola atu labele iha tan movimentu ilegal.

“Kuandu iha movimentu ilegal ona hakarak ka lakoi transmisaun corona delta ne’e tenke tama ona Timor, maibe espera katak ho esforsu makas UPF no Polisia Militar nian, garante katak movimentu ilegal sei la akontese karik akontese sei la husik nia livre,” nia informa.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04