Terça, Agosto 03, 2021

Komandu Falintil-Forsa Defesa Timor-Leste (F-FDTL) apoiu reforsa seguransa iha fronteira hodi kontrola movimentu komunidade, ligadu ba prevensaun transmisaun virus foun Corona Delta ne’ebe mak oras ne’e dadaun akontese ona iha nasaun vizinhu Indonesia.

Xefe Estadu Maior Jeral F-FDTL, Tenente Jeneral Lere Anan Timur, hateten liu husi enkontru konselhu superior defesa deside ona atu apoiu Polisia Nasional Timor-Leste (PNTL) asegura movimentu hotu iha fronteira.

Xefe Estadu Maior Jeral F-FDTL, Tenente Jeneral Lere Anan Timur, hateten liu husi enkontru konselhu superior defesa deside ona atu apoiu Polisia Nasional Timor-Leste (PNTL) asegura movimentu hotu iha fronteira.

“Prevensaun ba transmisaun corona delta mai Timor ne’e importante tebes, tanba ne’e ita tenke kontrola maluk Timor\ona sira ne’ebe mak sempre atravesa fronteira, tanba sira ne’e mak sei lori virus ne’e mai daet ba Timoroan hotu,” nia hateten iha knar fatin Fatuhada Dili.

Tanba ne’e Komandu F-FDTL prontu fo apoiu seguransa iha fronteira hodi kontrola movimentu ema hotu nian hodi prevene transmisaun virus corona foun ne’e.

“Ita tenke reforsa hodi kontrola movimentu ilegal sira, ema ne’ebe komete iha movimentu ilegal tenke kriminaliza no prosesu ba kadeia, labele husik sira livre, tama tiha kuarentena sai tiha depois halo movimentu ilegal nafatin,” nia salienta.

Tanba ne’e dadaun ne’e F-FDTL ho PNTL reforsa medida kontrolu iha fronteira.

Entretantu, Portavoz PNTL, Superientendente Xefe Arnaldo Araujo hateten, dadaun ne’e komesa mosu tan virus foun ida tanba ne’e husi parte relevante hotu komesa antisipa ona liu-liu asegura seguransa iha fronteira.

“Komandu PNTL hetan ona apoiu seguransa husi F-FDTL hodi fortifika liu tan kontrolu movimentu ilegal iha fronteira nune’e hodi prevene transmisaun virus ida ne’e ba iha komunidade Timor laran,” nia hateten.

Tanba ne’e, nia husu komunidade hotu atu mantein protukolu husi Ministeriu Saude nune’e bele prevene an husi virus foun ida ne’e.

“Virus foun ne’e perigu tebes ba ema nia vida tanba ne’e husu ba komunidade sira iha fronteira labele katak la nasaun vizinhu hodi nune’e labele lori moras ne’e mai hadaet iha Timor,” Portavoz PNTL Araujo informa.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04