Terça, Agosto 03, 2021

Komandante Jeral Polisia Nasional Timor-Leste (PNTL) deklara la iha kompetensia hodi limita tempu ka oras utilizasaun arma ba membru sira tanba, utilizasaun armas ne'e tuir lei organika PNTL mak haruka.

Komandante Jeral PNTL, Komisariu Faustinho da Costa, hateten arma ne'ebe mak membru sira utiliza ne'e tuir lei organika Polisia Nasional Timor-Leste (PNTL) bainhira sira utiliza sala, lei organika sei kriminaliza.

Komandante Jeral PNTL, Komisariu Faustinho da Costa, hateten arma ne'ebe mak membru sira utiliza ne'e tuir lei organika Polisia Nasional Timor-Leste (PNTL) bainhira sira utiliza sala, lei organika sei kriminaliza.

"Konaba utilizasaun arma hau la iha kompetensia hodi limita oras ka tempu maibe iha lei organika PNTL mak iha poder," Komisariu PNTL Costa dehan.

Nia degan, iha lei organika PNTL nian la iha limitasaun oras ka tempu ba membru polisia sira hodi uza arama signifikan katak 24 oras sira bele uza.

"Iha lei ne'e hatete momos katak uza hodi halo servisu laos uza hodi halo krimi ka hamate ema seluk nian vida, ida ne'e la autoriza iha lei organika PNTL," nia informa.

Tanba ne'e nia dehan, bainhira membru uza sala arma hodi hakanek ka hamete ema nia vida, lei ne'e rasik sei kriminaliza no prosesu nian tuir dalan legal no sei la husik nia livre tenke ba para iha prizaun.

Nai hateten,l a'os ordem komandu nian, maibe lei organika PNTL nian mak hateten momos tanba ne'e komandu la inventa kuandu falha iha implementasaun lei sei hetan ninian konsekuensia bazeia ba artigu ida ne'e.

Entretantu, Vise Ministru Interior, Antonio Armindo hateten dadaun ne’e governu esforsu hela atu hadia instituisaun Polisia Nasional Timor-Leste (PNTL) nune’e bele hadia sira nia profesionalismu iha area oin-oin liu-liu utilizasaun arma.

“Membru polisia ne’ebe mak uza arma la tuir dalan servisu nia maibe uza fali ba buat seluk ka hamate ema nia vida hanesan foin lalais akontese iha Lahane Oriental ne’e, prosesu hotu la’o tuir lei organika PNTL nia no nia iha obrigasaun tomak hodi responsabilidade ba aktu krimi ne’ebe mak nia komete ona,” Vice MI Armindu hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04