Domingo, Junho 20, 2021
Total visitors: 566016

Polisia Komandu Munisipiu Dili hari tan postu integradu tolu (3) iha pontu entrada inklui Kasnafar, Metinaru, no Tibar, hodi asegura seguransa ba movimentu komunidade nian husi kapital Dili.

Segundu Komandante Polisia, Suprientendente Euclides Belo, hateten postu integradu tolu refere sei integra membru polisia husi munisipiu Aileu, Liquica, Manatuto, no Dili.

Segundu Komandante Polisia, Suprientendente Euclides Belo, hateten postu integradu tolu refere sei integra membru polisia husi munisipiu Aileu, Liquica, Manatuto, no Dili.

“Ita postu integradu Kasnafar ita integra hamutuk membru husi Esquadra Nain Feto no Aileu, Tibar ita integra membru husi Esquadra Dom Alexiu no Liquica no postu integradu Metinaru ita integra hamutuk membru husi komandu Manatuto no Esquadra Metinaru nian,” Segundu Komandante Belo hateten iha knar fatin Dili.

“Postu intergadu tolu ne’ebe ita hari tan ne’e hodi bele asegura seguransa diak liu tan ba komunidade nia movimentu iha pontu entrada sira, ligadu ho transmisaun Covid-19 iha Timor,” nia salienta.

Nia dehan, kada postu integradu ne’e koloka membru hamutuk nain 16 hodi fo seguransa 24 oras iha dalan protukolu sira tama no sai husi kapital Dili.

Alende ne’e nia dehan, iha postu integradu ne’e polisia la servisu mesak maibe lokoka mos pesoal saude husi Centru Integradu Gestaun de Crize (CIGC) hodi halo teste swab ba sidadaun sira ne’ebe mak halo movimentu.

Entretantu, Komandante CIGC, Brigaderio Jeneral Jaoa Mario Aluk Descartes hateten, postu integradu sira ne’ebe monta iha pontu entrada tama no sai husi Dili ne’e liu husi koperasaun servisu hamutuk ho Komandu Jeral PNTL nian.

“Postu Integradu ne’e ita husi Centru Integradu Gestaun de Crize (CIGC) koloka pesoal saude nain neen (6) hodi halo rotasaun no servisu durante 24 oras hamutuk ho polisia sira ne’ebe mak destaka iha pontu entrada,” nia hateten.

Nia dehan, objetivu monta postu integradu hodi reforsa kontrola movimentu sidadaun nian ilegal no legal tama sai husi Dili nune’e bele identifika lolos.

“Husi postu integradu ne’e ita bele hatete lolos ema nain hira mak sai no nain hira mak tama, ilegal ka legal,” Komandante CIGC Brigaderio Aluk hateten.

Tanba ne’e nia husu atu membru polisia no pesoal saude ne’ebe mak detaka iha postu entrada sira atu servisu ho lolos no aplika ordem ne’ebe mak hatun ona hodi halo prevensaun ba Covid-19 iha Timor-Leste.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04