Sexta, Março 29, 2024
Total visitors: 766366

Polisia Nasional Timor-Leste (PNTL) submete ona komunidade hamutuk nain 253 ba prosesu investigasaun tanba selebra loron Restaurasaun Indenpendensia iha ambitu serka sanitaria iha kapital Dili.

Komandante Operasaun Nasional Superientendente Xefe Pedro Belo hateten, komunidade sira ne’ebe mak selebra restaurasaun independensia ne’e iha implementasaun serka sanitaria ne’e konsidera krime desobidiensia.

Komandante Operasaun Nasional Superientendente Xefe Pedro Belo hateten, komunidade sira ne’ebe mak selebra restaurasaun independensia ne’e iha implementasaun serka sanitaria ne’e konsidera krime desobidiensia tanba la obdese rezolusaun estadu emergensia.

“Komunidade sira ne’ebe mak selebra loron restaurasaun indenpendensia ne’e hamutuk 253 ne’e iha ita identifika hotu ona no submete ona ba prosesu investigasaun,” nia dehan iha komandu jeral Kaikoli Dili.

Nia dehan, komunidade nain 253 ne’e la’os komemora iha fatin ida deit maibe iha, Hera no Tasi tolu sira halo festeja sem rekonhesimentu husi polisia no Centru Integradu Gestaun de Crizi (CIGC).

“Ita nia komunidade sira ne’e la obdese ba regras serka sanitaria (SS) no konfinamentu domisiliaria jeral iha kapital Dili,” Komandante Operasaun Nasional Belo informa.

Nia dehan, prosesu investigasaun ba komunidade hirak ne’e dadaun ne’e la’o hela seidauk finaliza, depois de prosesu investigasaun sei submete ba ministeriu publiku.

Entretantu, Vise Ministru Admistrasaun Estatal, Lino de Jesus, konba komemorasaun loron restaurasaun indenpendensia ba dala 19 iha tinan ida ne’e la selebra tanba implementasaun serka sanitaria liga ba numeru kazu pozitivu Covid-19 ne’ebe kuntinua aumenta kada loron.

“Ita kansela total selebrasaun loron restaurasaun indenpendensia ne’e tanba iha serka sanitaria labele halibur ema barak, ita selebra liu husi agradese misa via virtual no diskursu hodi prezidente da republika nian deit,” nia hateten.