Domingo, Junho 20, 2021
Total visitors: 566016

Agresaun fisiku ne’ebe mak membru Polisia National Timor-Leste (PNTL) halo hasoru negosiante tiga roda iha Tasi Tolu foin lais komandu PNTL konsidera membru sira menus formasaun iha area mental nian.

Komandante Operasaun Nasional PNTL nian, Superientendente Xefe Pedro Belo hateten agresaun fisiku ne’ebe akontese entre membru polisia ho negosiante tiga roda iha postu entrada Tasi Tolu ne’e tanba negosiante ne’e komete movimentu ilegal tama no sai husi Dili ba Liquica la iha guia de marsa.

Komandante Operasaun Nasional PNTL nian, Superientendente Xefe Pedro Belo hateten agresaun fisiku ne’ebe akontese entre membru polisia ho negosiante tiga roda iha postu entrada Tasi Tolu ne’e tanba negosiante ne’e komete movimentu ilegal tama no sai husi Dili ba Liquica la iha guia de marsa, no bainhira polisia identifika negosiante ne’e lakoi kopera no halo asaun hasoru no lori nuu tuda membru polisia iha area refere ho ida ne’e, membru polisia ne’e la satisfas hodi halo agresaun fisku hasoru negosiante refere.

“Tuir lolos membru polisia ne’e labele halo agresaun fisiku hasoru negosiante ne’e, maibe tenke kaptura no submete ba sela detensaun no prosesu ba tribunal, membru polisia la autoriza halo agresaun fisiku hasoru komunidade iha terenu,” nia hateten.

Tanba ne’e agresaun fisiku ne’ebe mak membru polisia halo hasoru negosiante ne’e komandu konsidera menus formasaun mental.

“Aktu ida ne’e krimi no komandu husu ba negosiante atu bele halo keixa nune’e hodi halo prosesu ba ministeriu publiku no loke prrosesu disiplinar ba membru refere,” Komandante operasaun Superientendente Xefe Belo hateten.

Nia dehan, membru ne’ebe komete iha asaun kriminozu ne’e tanba menus formasaun mental, maibe ne’e prosesu la’o nafatin hodi responsabilidade ba akto krime ne’e nia komete.

Entretantu, Prezidente Komisaun B iha Parlamentu Nasional Trata Asuntu Defesa no Seguransa, Jose Agustinho Sequera Somotxo, hateten asaun agresaun fisiku ne’ebe memebru polisia halo iha situasaun estadu emergensia ne’e konsidera viola direitos humanus sidadaun nian no komete krime tanba ne’e tenke prosesu bele lori justisa ba ema hotu.

“Hau husu ba instituisaun Polisia Nasional Timor-Leste (PNTL) tenke loke investigasaun ba polisia nia atitude nune’e hodi hatene lolos parte ida ne’ebe mak sala ita nia vendedor ka polisia,” Deputadu Somotxo dehan iha parlamentu nasional.

Tanba ne’e nia dehan, iha area tasi tolu ne’e akontese dala rua ona membru PNTL halo agresaun fisiku ba sidadaun sem asaun provokadu tanba ne’e instituisaun relevante sira presija tau matan ba intituisaun uza farda no liman kroat povu nian.

“Ita husu komandu jeral atuasaun uza forsa hodi hanehan ita nia povu labele akontese bei-beik iha ita nian rain,” Somoxo sujere.

Alende ne’e nia dehan, komandu jeral tenke fo formasaun ne’ebe efetivo ba membru no superior sira liu-liu konaba mentalidade atuasaun nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04