Sexta, Março 29, 2024
Total visitors: 766366

Autoridade Auduaneira Alfandega hahu husi fulan janeiru to'o abril 2021 rekolha reseitas domestiku hamutuk $12.000 husi aktividade hotu ne'e akontese iha fronteira terrestre.

Diretor Jeral Alfandega, Jose Antonio Fatima, hateten reseitas ne'ebe mak alfandega rekolha ne'e liu husi aktividade sira hanesan kontrolu aktividade merkadoria.

Diretor Jeral Alfandega, Jose Antonio Fatima, hateten reseitas ne'ebe mak alfandega rekolha ne'e liu husi aktividade sira hanesan kontrolu aktividade merkadoria.

"Liu husi aktividade sira ne'e mak hahu husi Fulan jeneiru to'o abril ne'e ita konsege rekolha reseitas domestika hamutuk 12.000," DG Alfandega Fatima hateten via telefone.

Nia dehan, reseitas ne'ebe sira rekolha ne'e hatama hotu ona ba kofre estadu nian, maske ho reseitas ne'ebe mak minimu liu la hanesan ho fulan sira molok akontese pandemia covid-19.

"Antes Covid seidauk akontese ami sempre rekolha reseitas kada fulan tolu hetan $15.000 maibe dadaun ne'e ami rekolha $12.000 deit tanba movimentu terestre kiik liu iha situasaun pandemia ne'e," nia hateten.

Nia hateten, dadaun ne'e alfandega kuntinua halo servisu hodi rekolha nafatin reseitas domestiku husi aktividade merkadoria ne'ebe akontese iha fronteira kada semana dala ida.

Entretantu, Diretor FONGTL, Daniel Santos, hateten liga ba situasaun ida agora ne'e liu-liu Covid-19 ne'ebe mak invade mundu no nasaun ho implementasaun lockdow no ema hotu labele halo aktividade mekadoria no inpakto ba kuntribuisaun reseitas ba kofre estadu.

"Ita hare kada tinan instituisaun sira ne'ebe mak servisu kontrolu hodi rekolha reseitas mai kofre estadu ne'e ho montante boot tebes, maibe liga ba situasaun ida agora ne'e menus tanba movimentu menus," Diretor Fontin Santos hateten.

Nia dehan, durante ne'e reseitas barak liu mak tama husi pontu entrada sira, maibe movimentu la iha ne reseitas atu ba foti tan iha ne'ebe, hakarak ka lakoi ituan ka barak tenke simu no agradese.