Domingo, Junho 20, 2021
Total visitors: 566016

Komandu Polisia Nasional Timor-Leste (PNTL) informa ba publiku katak membru nain sanulu resin neen (16) mak positivu ona ba moras kauza husi virus COVID-19.

Portavoz PNTL, Superintendente Xefi, Arnaldo Araujo, hateten tuir rezultadu swab massal ne'ebe halo iha komandu jeral PNTL hatudu katak membru nain 16 mak mak pozitivu.

Portavoz PNTL, Superintendente Xefi, Arnaldo Araujo, hateten tuir rezultadu swab massal ne'ebe halo iha komandu jeral PNTL hatudu katak membru nain 16 mak mak pozitivu.

"Ita nia membru nain 16 ne'ebe mak pozitivu ne'e oras ne'e dadaun submete ona ba fatin izolamentu ne'ebe prepara husi komandu rasik no hetan atendimentu husi mediku sira husi Centru Integradu Gestaun de Crizi (CIGC)," nia informa.

Nia dehan membru nain 16 ne'e mai hosi Komandu Munisipiu 13 liu hosi teste swab ba membru sira, no dadaun ne'e Komandu PNTL kontinua halo teste swab ba ninian membru sira seluk.

"Dadus hirak ne'e ita asesu husi saude PNTL no ministeriu saude," porta voz Araujo hateten.

Alende ne'e nia dehan, dadaun ne'e Komandu PNTL munisipiu 13 halo hela swab ba ninian membru sira tuir rezulusaun guverno nian ne'ebe fo sai.

"Membru PNTL ne'ebe halo swab kuaze 200, konsege identifika nain 16 kona positivu covid-19," nia salienta.

Entretantu, Komandate Centro Integradu Gestaun Crize (CIGC), Brigadeiro Jeneral Joao Mario Aluk Descartes hateten, membru PNTL nain 16 refere ne'ebe mak pozitivu ne'e submete ona ba izolamentu iha Centru Formasaun Polisia (CFP), iha Comoro, Dili.

"Membru hirak 16 ne'e ita submete ba izolamentu espesial ne'ebe prepara rasik depois mak ita nia mediku sira ba halo kontrolu ba sira nia saude," Brigaderio Aluk hateten.

Tanba ne'e nia nia, husu ba membru polisia hirak ne'ebe mak pozitivu ne'e atu kumpri didiak protokolu saude iha izolamentu nune'ebe bele rekopera lalais nune'ebe bele apoiu halo prevensaun ba covid-19 iha Timor-Leste.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04