Domingo, Junho 20, 2021
Total visitors: 566016

Polisia Komandu Munisipiu Dil prosesu ona sidadaun nain rua (2) ne'ebe falsifika dokumentu guia de marsa tahan 2 no atestadu mediku tahan 1 hodi halo movimentu tama no sai husi Dili durante implementasaun konfinamentu domisiliariu jeral iha kapital Dili.

Polisia Komandu Munisipiu Dil prosesu ona sidadaun nain rua (2) ne'ebe falsifika dokumentu guia de marsa tahan 2 no atestadu mediku tahan 1 hodi halo movimentu tama no sai husi Dili.

Komandante Polisia Munisipiu Dili, Superientendente Xefe Henrique da Costa, hateten sidadaun nain rua ne'e identifika husi postu polisia vizilansia.

"Iha passa revista ne'e ita nia ekipa postu vizilansia identifika sidadaun nain rua ne'e halo dokumentu falsu hodi halo viagem tama no sai husi Dili," Komandante Dili Costa dehan.

Nia dehan, banhira halo tiha identifikasaun ekipa visilansia lori kedan sidadaun nain rua ne'e ba detein iha sela detensaun komandu munisipiu Dili nian hodi kumpri 72 oras hodi submete ba prosesu.

"Dadaun ne'e sidadaun nain 2 ne'e kumpri ona 72 oras no ita submete ona ba prosesu tuir dalan legal iha ministeriu publiku no aprezenta ba tribunal hodi hein primeiru introgatoriu," nia informa.

Nia dehan, banhira halo kapturasaun ba sidadaun nain rua ne'e halo mos aprendisaun ba kareta.

Entretantu, Centru Integradu Gestao de Crize (CIGC) Brigaderio Jendral Joao Mario "Aluk Descartes" hateten, ba komunidade ne'ebe mak atu halo viagem sai husi Dili no tama mai Dili tenke trata carta guia de marsa husi CIGC, laos halo kalo dokumentu falsu.

"Komunidade se deit mak halo movimentu ilegal ka falsifika dokumentu falsu hodi halo viagem ne'e kompetensia polisia nian hodi kriminaliza tamba ne'e konsidera krimi desobidensia," Komandante CIGC Aluk dehan.

Tamba ne'e, nia husu ba komunidade sira ne'ebe mak hakarak sai husi Dili no tama mai Dili tenke halo teste swad no trata guia de massa ne'ebe original, laos falsifika dokumentu hodi bosok fali ekipa vizilansia tanba ne'e krimi no tenke prosesu tuir dalan legal.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04