Sexta, Abril 16, 2021
Total visitors: 558227

Asidente trafiku sira ne’ebe durante ne’e akontese tanba kauza husi motorista halo movimentu iha dalan publiku la iha karta kondusaun.

Komandante Tranzitu Nasional, Superientendente Joao Belo dos Reis hateten, asidente ne’ebe akontese durante iha fulan fevreiru mai to’o ohin loron hamutuk 130 husi ne’e kuaze nain 70 karta kondusaun la iha.

Komandante Tranzitu Nasional, Superientendente Joao Belo dos Reis hateten, asidente ne’ebe akontese durante iha fulan fevreiru mai to’o ohin loron hamutuk 130 husi ne’e kuaze nain 70 karta kondusaun la iha.

“Nain 70 ne’ebe mak la iha karta kondisaun ne’e motor 21 mak selu ona infrasaun no kareta 3 seluk seidauk selu infrasaun,” Komandante Reis hateten.

Tanba ne’e nia dehan, husi dadus hirak ne’e komandu nota katak maioria transporte sira ne’ebe mak halo movimentu iha dalan publiku motorista sem karta kondusaun no kuntribui ba asidente ne’ebe akontese iha Timor laran.

“Tanba ne’e ita lansa ona operasaun espesifiku ida iha dalan publiku konaba dokumentu transpote nian nunee mos karta kondusaun husi motorista nian nune’e mos limite ema nia movimentu hodi implementa regras serka sanitaria,” nia dehan.

Tanba ne’e husu ba motorista sira ne’ebe halo movimentu iha dalan publiku tenke iha karta kondisaun nune’e mos dokumentu transporte nian seluk ne’ebe importante, no ba sira ne’ebe mak la iha karta kondisaun labele utiliza transporte ida dalan publiku.

Entretantu, Diretor Ezekutivu Fundasaun Mahein, Joao Almedia hateten, tuir lei numeru 6/2003 konaba regras tranzitu nian, katak ema hotu ne’ebe mak lori kareta ka motor tenke trata karta kondusaun no surat sura tenke kompletu mak bele lori kareta ka motor.

“Maibe realidade implementasaun iha dalan publiku ne’e la iha, halo movimentu no transporte sem karta kondusaun nune’e mos labarik minoridade mos bele kondus kareta no motor ne’e realidade ne’e mak ita hare,” Diretor FM Almedia hatetetn.

Tanba ne’e nia dehan, atu kontrola situasaun sira ne’e ho diak polisia tranzitu tenke implementa lei numeru 6/2003 ne’e no rigoroju atu nune’e motorista hotu hodi kumpri, laos hakfodak deit tun ba dalan publiku hodi implementa.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04