Sexta, Março 29, 2024
Total visitors: 766366

Polisia kaptura ona autor neen (6) ne’ebe halo agresaun fisiku hasoru labarik minoridade nain rua iha Bebonuk foin lalais.

Komandante Polisia Munisipiu Dili, Superientendente Xefe Henrique da Costa, hateten autor nain 6 refere polisia kaptura tanba halo agresaun fisiku hasoru ba labarik menoridade nain 2 iha Bebonuk to’o kondisau grave, tanba alegasaun labarik nain 2 ne’e hasai lia-fuan la diak hasoru sira.

Komandante Polisia Munisipiu Dili, Superientendente Xefe Henrique da Costa, hateten autor nain 6 refere polisia kaptura tanba halo agresaun fisiku hasoru ba labarik menoridade nain 2 iha Bebonuk to’o kondisau grave, tanba alegasaun labarik nain 2 ne’e hasai lia-fuan la diak hasoru sira.

“Asaun ne’ebe mak ita maluk nain 6 halo ne’e krime no iha situasaun serka sanitaria, ne’e ita labele tolera,” Komandante Costa dehan.

Nia dehan, autor nain 6 ne’e polisia kaptura ona no submete ona ba sela detensaun durante 72 oras hodi submete ba prosesu no primeiru interogatoriu iha tribunal.

“Ita sei la husik livre sidadaun ida halo krime tuir nia hakarak, karik halo krime tenke pronto responsabilidade ba nia asaun rasik,” nia dehan.

Tanba ne’e husu mak sidadaun sira krik iha ema balun halo sala tenke lori mai polisia la’os kaer no halo asaun krime hasoru nian.

Entretantu, Diretor Ezekutivu Fundasaun Mahein (FM) Joao Almedia hateten, iha situasaun lockdown ne’e atu komunidade hotu hakmetek iha uma hodi halo prevensaun ba Covid-19 la’os aproveita tempo ne’e hodi halo krime.

“Ita nia lei la autoriza sidadaun ida halo sala, ida seluk mai kaer no halo torturasaun, tuir lolos ne’e intrega ba parte seguransa hodi halo investigasaun no prosesu tuir dalan legal,” nia dehan.

Nia dehan, ema sira hanesan ne’e tenke aprezenta ba ministeriu publiku hodi kuntinua prosesu hodi bele ba submete iha prizaun sela’e sira toman ona no sira sei kuntinua hahalok krime.

“Husu ba sidadaun hotu hadomi paz no estabilidade iha nasaun Timor-Leste nune’e bele dezenvolve nasaun iha futuru,” Diretor FM Almedia husu.